پچاس لاکھ سے زیادہ کووڈ ٹیکے لگائے گئے

پچاس لاکھ سے زیادہ کوویڈ ٹیکے لگائے گئے

نئی دہلی ،8 اکتوبر :  ملک میں گذشتہ 24 گھنٹوں کے دوران 50.17 لاکھ سے زیادہ کوویڈ ٹیکے لگائے گئے ہیں ۔ اس کے ساتھ ہی مجموعی ٹیکہ کاری 93.17 کروڑ سے تجاوز کر گئی ہے۔ مرکزی وزارت برائے صحت اور خاندانی بہبود نے جمعہ کے روز یہاں بتایا کہ گزشتہ 24 گھنٹوں کے دوران کوویڈ کے 21 ہزار 257 نئے کیسز سامنے آئے ہیں اور 24 ہزار 963 افراد کوویڈ انفیکشن سے صحتیاب ہوئے ہیں ۔ وزارت کے مطابق شفایابی کی شرح 97.96 فیصد ہے۔ ملک میں کل دو لاکھ 40 ہزار 221 کوویڈ مریض زیر علاج ہیں جو مجموعی کیسز کا 0.71 فیصد ہے۔ اب تک کوویڈ سے تین کروڑ 32 لاکھ 25 ہزار 221 افراد صحتیاب ہو چکے ہیں۔
وزارت نے کہا کہ گزشتہ 24 گھنٹوں میں 50 لاکھ 17 ہزار 753 کوویڈ ٹیکے لگائے ہیں۔ آج صبح 7 بجے تک مجموعی ٹیکہ کاری 93 کروڑ 17 لاکھ 17 ہزار 151 ہو گئی ہے ۔
اعداد و شمار کے مطابق اب تک مجموعی طور پر تین کروڑ 31 لاکھ 75 ہزار 656 کووڈ مریض صحتیاب ہو چکے ہیں۔
گزشتہ 24 گھنٹوں میں 13 لاکھ 85 ہزار 706 کوویڈ ٹیسٹ کیے گئے ہیں ۔ ملک میں 58 کروڑ 43 ہزار 190 ٹیسٹ کیے جا چکے ہیں۔