ہندوستان نے افغانستان کے لئے جاری کی نئی ویزہ پالیسی
حکومت نے افغانستان میں بگڑتے حالات کے پیش نظر وہاں سے آنے کے خواہش مند لوگوں کے لئے ویزہ کے عمل کو آسان بنانے کا فیصلہ کیا ہے
نئی دہلی: حکومت نے افغانستان میں بگڑتے حالات کے پیش نظر وہاں سے آنے کے خواہش مند لوگوں کے لئے ویزہ کے عمل کو آسان بنانے کا فیصلہ کیا ہے اور ہنگامی حالات میں فوری ویزہ جاری کرنے کے لئے آن لائن درخواست اور نپٹارے کا نیازمرہ بنایا ہے۔
مرکزی وزیر داخلہ نے ٹوئیٹ کرکے کہا ’’وزارت نے افغانستان کی موجودہ صورتحال کو دیکھتے ہوئے ویزہ التزام کا جائزہ لیا ہے۔ ہندوستان میں داخلے لئے ویزہ درخواستوں کو تیزی سے نمٹانے کے لئے الیکٹرانک ویزہ کا ایک نیا زمرہ، جسے ’ای۔ ایمرجنسی ایکس مسلینیس‘ کے نام سے جانا جائے گا، بنایا گیا ہے‘‘۔
واضح رہے کہ موجودہ وقت میں افغانستان کی صورتحال کافی خراب ہے۔ وہاں پر طالبان نے گزشتہ اتوار کو اشرف غنی حکومت سے اقتدار اپنے قبضے میں لے لیا تھا اور غنی کو ملک چھوڑکر جانا پڑا تھا۔
کوئی تبصرے نہیں:
ایک تبصرہ شائع کریں