جمعیۃ علماء پونے شہر (ارشد مدنی) نے لگایا چپلون علاقے میں میڈیکل کیمپ، ہزاروں لوگوں کا علاج و معالجہ و دوائیوں کی تقسیم جاری
چپلون : مہاراشٹر کے خطۂ کوکن کے سیلاب سے متاثرہ علاقہ چپلون میں جمعیۃ علماء پونے شہر (ارشد مدنی) کا وفد صدر جمعیۃ علماء پونے قاری ادریس کے ہمراہ ڈاکٹرس، ایمبولنس اور دوائیوں کے ساتھ ۰۳/جولائی ۱۲۰۲ء رات دس بجے پہنچا۔ آج صبح سے ہی اس علاقے میں میڈیکل کیمپ لگایا گیا اور ہزاروں روپئے کی دوائیوں بھی تقسیم کی گئی،بارش کے دوران ہی یہ میڈیکل چیک اپ جاری ہے۔ خبر موصول ہونے تک 740 لوگ اب تک اس میڈیکل چیک اپ سے فائدہ اٹھا چکے ہے اور لوگوں کا علاج و معالجہ جاری ہے۔ جنہیں سردی، سر درد، بخار , بی پی اور ساتھ ہی زیادہ دیر پانی میں رہنے کی وہ سے ہاتھ اور پیر پھٹ جانے کی وجہ سے اس کی اسٹیچن اور زخم کا مرہم بھی انہیں دیا گیا۔ قاری محمد ادریس صدر جمعیۃ علماء پونہ نے نمائندہ سے بتایا کہ یہاں ہر طرف گندگیوں کا انبار ہیں اور لوگوں میں موذی امراض پھیلنے کا شدید خدشہ ہے۔ ہم ڈاکٹروں کی ٹیم اور دوائیوں کے ساتھ یہاں پہنچے ہے اور ماشاء اللہ ڈاکٹرس پوری ٹیم کے ساتھ علاج و معالجہ کی خدمات انجام دے رہے ہیں۔ معلوم ہو ZVMیونانی میڈیکل کالج اعظم کیمپس کے ڈاکٹرجلیل احمد اور ان کی ٹیم جن میں لیڈیس ڈاکٹر بھی شامل ہے،علاج و معالجہ کا کام انجام دے رہی ہیں۔وفد میں قاری محمد ادریس صدر جمعیۃ علماء پونے،یوسف زکارتی جنرل سیکریٹری جمعیۃ علماء پونے شہر، حاجی گلزار احمد صدر جمعیۃ علماء پمپری چنچوڑ، قاری اقبال، یاسر انصاری،عبدالباسط، ڈاکٹر جلیل احمد اور ان کی ٹیم،ساتھ ہی رضوان شیخ دی مسلم فاؤنڈیشن اور نگرسیوک ایڈوکیٹ حاجی عبدالغفور پٹھان کی ایمبولینس کے ساتھ اپنی خدمات انجام دیں رہے ہیں۔
کوئی تبصرے نہیں:
ایک تبصرہ شائع کریں