لاک ڈاؤن کے خدشے کے بعد ، ممبئی کے ریلوے اسٹیشنوں پر بھیڑ میں ہوا اضافہ ،
سینٹرل ریلوے نے نئی ٹرینیں شروع کیں۔
ممبئی : مہاراشٹر میں کورونا کے بڑھتے ہوئے کیسوں اور لاک ڈاؤن کے خطرے کے پیش نظر ، شمالی ہندوستان کے افراد اور ممبئی میں مقیم تارکین وطن مزدور اب اپنی آبائی ریاست لوٹ رہے ہیں۔ ممبئی کے تمام اسٹیشنوں پر شمالی ہندوستان کی طرف جانے والی ٹرینوں کے انتظار میں
لوگوں کی موجودگی کو ریکارڈ کیا جارہا ہے ۔
ریاست میں رات کا کرفیو اور ہفتے کے آخر میں لاک ڈاؤن نے لوگوں کے دلوں میں خوف پیدا کردیا ہے۔ لوگوں کے دلوں میں ماضی کے لاک ڈاؤن کے زخم آج بھی تازہ ہیں۔ لہذا اس بار لوگ کوئی خطرہ مول نہیں لینا چاہتے ہیں۔
لوگوں کی بڑھتی ہوئی بھیڑ کے پیش نظر سینٹرل ریلوے نے لمبی دوری والی ٹرینوں کی تعداد میں بھی اضافہ کردیا ہے تاکہ لوگوں کو زیادہ پریشانیوں کا سامنا نہ کرنا پڑے۔ سینٹرل ریلوے نے بھی 7 اپریل سے یوپی اور بہار کے لئے کچھ نئی ٹرینیں شروع کرنے کا اعلان کیا ہے۔
مسافروں کے متسلسل مطالبے کے بعد ریلوے مختلف روٹ پر ٹرینوں میں اضافہ کر رہا ہے۔ اسی سلسلے میں ، لوکمانیہ تلک ٹرمینس ممبئی سے فیض آباد اور کاریککل کے لئے دو ہفتہ واری سپر فاسٹ اسپیشل ٹرین چلائی جارہی ہے۔
ٹرین نمبر 01067 ایل ٹی ٹی سے 14 اپریل 2021 بروز بدھ سے اگلے آرڈر تک ہر بدھ اور سنیچر کو 06.00 بجے روانہ ہوگی اور اگلے دن 08.55 بجے فیض آباد پہنچے گی۔ واپسی میں ٹرین نمبر 01068 اسپیشل فیض آباد سے اگلے آرڈر تک 15 اپریل 2021 ہر جمعرات اور اتوار کو 13.30 بجے فیض آباد روانہ ہوگی , اور اگلے دن 16.05 بجے ایل ٹی ٹی پہنچے گی۔
ٹرین نمبر 01017 ایل ٹی ٹی سے اگلے آڈر تک 17 اپریل 2021 سے ہر سنیچر کو 13.15 بجے کو روانہ ہوگی اور اگلے دن 18.50 بجے کاریککل پہنچے گی۔ واپسی میں ، ٹرین نمبر 01018 ہفتہ واری اسپیشل کاریککل سے اگلے آرڈر تک ہر پیر کو 14.00 بجے روانہ ہوگی اور اگلے دن 20.30 بجے ایل ٹی ٹی پہنچے گی۔
ریزرویشن: 01067 اور 01017 کے لئے بکنگ تمام کمپیوٹرائزڈ ریزرویشن سینٹرز اور ویب سائٹ www.irctc.co.in پر 7 اپریل 2021 کو کھلے گی ۔ ہی ان اسپیشل ٹرینوں میں صرف کنفرم ٹکٹ والے مسافروں کو سفر کرنے کی اجازت ہوگی۔ مسافروں کو مشورہ دیا جاتا ہے کہ وہ بورڈنگ ، سفر اور منزل مقصود پر دوران سفر COVID19 سے متعلق تمام قواعد سور ایس او پی کی پاسداری کریں۔
کوئی تبصرے نہیں:
ایک تبصرہ شائع کریں