دادر سبزی منڈی میں عوامی ہجوم
لاک ڈاؤن کے خدشے کی وجہ سے ، ممبئی میں بازار اور ریلوے اسٹیشن پر دکھائی دیا عوامی ہجوم دکھائی دیا ۔
ممبئی : ممبئی میں لاک ڈاؤن کے خدشات کے درمیان لوک مانیہ تلک ٹرمینس ریلوے اسٹیشن پر ہلچل دکھائی دی ۔ لوگوں کی ایک بڑی تعداد کو سوٹ کیس اور بیگ اٹھائے جاتے دیکھا گیا ۔ وزیر اعلی ادھو ٹھاکرے کی اپیل کے بعد دادر سبزی منڈی اور بازار میں ہجوم اکٹھا ہوگیا ہے ۔ کہا جارہا ہے کہ وہ لاک ڈاؤن کی سن گن کے بعد خریداری کرنے کے لئے نکلے ہیں۔ تاہم ، ویک اینڈ بھی خریداری کا ایک فیکٹر سمجھا جاریا ہے ۔ ایک دن قبل ، ادھو ٹھاکرے نے اپنے خطاب میں کہا تھا کہ اگر صورتحال بہتر نہیں ہوئی تو لاک ڈاؤن آخری اقدام ہوگا ۔ ادھو ٹھاکرے نے اپیل بھی کی تھی کہ جب تک بہت ضروری نہ ہو گھر سے باہر نہ نکلے اور ہجوم والے مقامات پر جانے سے گریز کریں ۔ کانگریسی لیڈر سنجے نروپم نے ہفتہ کے روز دادر بازار میں خریداری کرنے امڈی بھیڑ کو لے کر ادھو حکومت کو نشانہ بنایا ہے۔
سنجے نروپم نے سبزی منڈی کی تصویر شیئر کرتے ہوئے لکھا ، 'دادر کی سبزی منڈی یا دیگر مارکیٹوں میں بھیڑ کیوں جمع ہوئی ہے؟ لاک ڈاؤن کے خوف کی وجہ سے ، لوگ گھروں سے نکل کر خریداری کرنے کے لئے ٹوٹ پڑے ہیں۔ لاک ڈاؤن کے خطرات کا یہ ایک ضمنی اثر ہے ۔ حکومت کا کام لوگوں کے جذبات کو بھڑکانا نہیں ہے ، ان کو ڈھارس بندھانا ہے ۔ دوسری طرف ، ہفتہ کے روز لوکمانیہ تلک ٹرمینس میں مسافروں کی تعداد میں اضافہ ہوا۔ لوگوں کو سوٹ کیس اور بیگ اٹھائے جاتے دیکھا گیا۔ بتایا جارہا ہے کہ بڑی تعداد میں لوگ یوپی بہار جارہے ہیں۔ تاہم ، مہاراشٹر میں ، یہ وقت یوپی بہار جانے کا ہوتا ہے ، لہذا ہجرت کے بارے میں یقین سے کچھ نہیں کہا جاسکتا۔ ایک دن پہلے ہی ، مہاراشٹر میں کورونا کے بڑھتی ہوئی تباہی کے درمیان وزیراعلی ادھو ٹھاکرے نے ایک مکمل لاک ڈاؤن کا اشارہ دیا تھا۔
جمعہ کو ممبئی میں 8832 اور ریاست میں 47،827 ریکارڈ موصول ہوئے۔ ممبئی میں 20 اور مہاراشٹر میں 202 مریضوں کی موت ہوگئی۔ دادر اور ماہم ممبئی کے نئے ہاٹ اسپاٹ بن گئے ہیں ۔ اگرچہ کوڈ ڈیتھ آڈٹ کمیٹی کے صدر ڈاکٹر اویناش سوپے نے کہا ہے کہ بڑھتے ہوئے مریضوں کے ساتھ اموات کی تعداد میں بھی اضافہ ہوگا ، لیکن اموات کی شرح نہیں بڑھے گی ۔
کوئی تبصرے نہیں:
ایک تبصرہ شائع کریں