شولا پور کے ڈسٹرکٹ جج بھی سائبر فراڈ کا شکار
جعلساز نے واٹس اپ ڈی پی کے ذریعے 50 ہزار کا چونا لگایا
ممبئی مہاراشٹر کے شولاپور کے ایک ڈسٹرکٹ جج سائبر فراڈ کا شکار ہو گئے۔ دراصل، ایک نامعلوم شخص نے مبینہ طور پر ان کو 50،000 روپے کا دھوکہ دیا۔ دھوکہ باز نے رقم مانگنے کے لیے بمبئی ہائی کورٹ کے جج کی تصویر واٹس ایپ ڈسپلے پکچر (ڈی پی) کے طور پر استعمال کی۔
دراصل سنیچر کو افسر نے کہا کہ ہائی کورٹ کے رجسٹرار نے شکایت درج کرائی ہے۔ شکایت کے مطابق، ڈسٹرکٹ جج کو جمعہ کو ایک فون نمبر سے واٹس ایپ میسج موصول ہوا۔ جس اکاؤنٹ سے یہ پیغام آیا تھا اس کی ڈی پی پر بمبئی ہائی کورٹ کے جج کی تصویر تھی۔ جج ان کو جانتے تھے جن کی تصویر ڈی پی لگائی گئی تھی۔
واضح رہے کہ وہ رقم کا مطالبہ بطور قرض واپسی کی بنیاد پر کیا گیا تھا۔ اس کے بعد جج نے رقم بھیج دی۔ تاہم جب اس کے بعد میسج کے ذریعے مزید رقم کا مطالبہ کیا گیا تو جج کو شک ہوا۔ افسر نے بتایا کہ ڈسٹرکٹ جج نے پھر ہائی کورٹ کے رجسٹرار آفس سے رابطہ کیا تو پتہ چلا کہ جس جج کی تصویر استعمال کی گئی تھی انہوں نے کبھی رقم نہیں مانگی تھی۔
کوئی تبصرے نہیں:
ایک تبصرہ شائع کریں