بھساول میں جی این آر ایف غریب نواز ریلیف فاؤنڈیشن کی طرف سے مفت ٹھنڈے پانی کے اسٹال کا افتتاح۔
جلگاؤں (عقیل خان بیاولی) اس وقت پورے ملک میں گرمی کی لہر جاری ہے ضلع جلگاؤں کا درجہ حرارت 45 ڈگری سیلسیس کے قریب پہنچ گیا ہے تو شہریوں کو کچھ راحت دینے کے لیے دعوت اسلامی ہند کے GNRF غریب نواز ریلیف فاؤنڈیشن کے شعبہ کے تحت ٹھنڈے پانی کا اسٹال امبیڈکر چوک میں لگایا گیا جس کا افتتاح بھساول میونسپل کارپوریشن کے نائب ناظم اعلیٰ پرویز شیخ نے کیا۔
اس اسٹال سے راہ گزروں کو شہریان بسوں اور ٹرینوں میں سفر کرنے والے مسافروں کو پانی پی کر راحت فراہم ہوئی، مقامی لوگوں نے جی این آر ایف کے اس کام کی سراہنا اور حوصلہ افزائی کی۔
اس موقع پر دعوت اسلامی کے ضلع جلگاؤں کے صدر زبیر عطاری نے جی آر ایف کے شعبہ کے بارے میں معلومات دیتے ہوئے کہا۔
غریب نواز ریلیف فاؤنڈیشن دعوت اسلامی کا ایک سماجی اور فلاحی ونگ ہے جس کا مقصد عوام کی خدمت کرنا ہے۔
جو معاشرے کے لوگوں کی مختلف طریقوں سے خدمت کرتا ہے۔ موسم سرما میں غریبوں اور ضرورت مندوں میں کمبل کی تقسیم، گرمیوں میں پینے کے پانی کی فراہمی، شجرکاری کے موسم میں پودے لگانا اور صحت کے مسائل سے دوچار لوگوں کے لیے ہیلتھ کیمپس کا انعقاد، اس کے ساتھ ساتھ وقتاً فوقتاً خون کے عطیہ کیمپس کا انعقاد، راشن کٹس کی تقسیم۔ ضرورت مندوں اور غریبوں کی مدد کرنا اس محکمہ کا بنیادی اور خصوصی کام ہے۔
اس پروگرام کو کامیاب بنانے کے لیے جی این آر ایف کے ضلعی صدر رفیق روشن قادری، سعید عطاری، حفیظ قاسم، امین شیخ، فرید شیخ، حاجی تنویر، اور قاری ادریس نے کوششیں کیں۔
کوئی تبصرے نہیں:
ایک تبصرہ شائع کریں