مولانا عبدالعلیم فاروقی لکھنؤ کے انتقال پر تعزیتی اجلاس کا انعقاد، تعزیتی قرارداد پیش
بڈھانہ (پریس ریلیز) عالمی شہرت یافتہ جمعیۃ علماء ہند کے قومی نائب صدر اور سابق جنرل سیکریٹری مولانا عبدالعلیم فاروقی کے انتقال پر چاروں طرف سوگ کا ماحول ہے۔ قصبہ بڈھانہ کے کربلا روڈ پر تعزیتی اجلاس کا انعقاد کیا گیا، جس میں علمائے کرام نے شرکت کی، مقررین نے مولانا فاروقی کی خدمات پر تفصیل سے روشنی ڈالی اور دعائے مغفرت کی۔ تعزیتی اجلاس میں مقررین نے مولانا عبدالعلیم فاروقی کی وفات پر دکھ کا اظہار کرتے ہوئے کہا کہ مولانا نے تعلیم کے میدان میں بہت مضبوط کام کیا اور عظمت صحابہ ان کا خاص میدان تھا۔ جمعیۃ علماء بڈھانہ کے شہرصدر حافظ شیردین نے کہا کہ اللہ تعالیٰ نیک لوگوں کی وجہ سے دنیا میں رحمت بھیجتا ہے، انہوں نے کہا کہ یہ بھی ایک حقیقت ہے کہ سب لوگوں کو دنیا سے جانا ہے انہوں نے مزید کہا کہ اس خاندان کے عظیم کارنامے ہیں جو کہ ایک مکمل تاریخ ہے، انہوں نے کہا کہ شہدائے اسلام کا جلوس بہت بابرکت اجتماع ہے جس میں ملک کے بڑے بڑے علماء شریک ہوتے ہیں اور شاندار صحابہ کرام پر بیانات دیتے ہیں۔ جمعیۃ علماء ہند بڈھانہ کی طرف سے تعزیت پیش کرتے ہوئے محمد آصف قریشی نے کہا کہ یہ اجلاس مولانا کے انتقال پر دکھ کا اظہار کرتا ہے اور آپ سے دعائے مغفرت اور مولانا عبدالعلیم فاروقی کی خدمات کو سراہتا ہے۔ اور ان کی خدمات کو بڑے احترام کے ساتھ،دیکھتا ہے اور مولانا فاروقی صاحب کی دارالعلوم دیوبند اور جمعیت علماء ہند کے لیے کی گئی خدمات کو تاریخی سمجھتا ہے۔ تجویز میں کہا گیا کہ مولانا عبدالعلیم فاروقی صاحب ایک عرصہ تک دارالعلوم دیوبند کی سپریم کمیٹی شوریٰ کے رکن رہ کر دارالعلوم کی آواز کو پوری دنیا میں پہنچاتے رہے ہیں اور اسی طرح عظمت صحابہ کے عنوان سے عوام کے لیے عظیم قربانیاں دیں ہے جو ان کی زندگی کی نمایاں خصوصیات میں سے ایک ہے۔ اجلاس میں محمد آصف قریشی نے کہا کہ مولانا کو بڈھانہ اور ہم سے خصوصی لگاؤ تھا وہ ہمیشہ بڈھانہ کے بہت سے پروگراموں میں آتے تھے اور بہترین بیانات دیتے تھے، جس میں علاقہ کا ایک بڑا ہجوم آتا تھا اور مولانا کو بڑی عقیدت کے ساتھ سنتا تھا آصف قریشی نے کہا کہ ان کے انتقال سے جو دکھ ہوا ہے اس کا اظہار نہیں کیا جا سکتا۔ آخر میں حافظ اللہ مہر نے دعا کرائی۔ تعزیتی اجلاس میں درجنوں افراد خصوصی طور پر موجود تھے۔
کوئی تبصرے نہیں:
ایک تبصرہ شائع کریں