ممبئی کے واڈیا اسپتال پر نوزائیدہ بچے کی تبدیلی کا الزام۔
ڈی این اے ٹیسٹ سے بچے کے حقیقی والدین کا ہوگا انکشاف
ممبئی: ایک جوڑے نے واڈیا اسپتال پر بچوں کی تبدیلی کا الزام لگایا ہے۔ اس معاملے میں اب پولیس بچے اور جوڑے کا ڈی این اے ٹیسٹ کرے گی۔ پولیس کے مطابق نجی لیب کی رپورٹ میں ماں اور بچے کا ڈی این اے ٹیسٹ کیا گیا جو ایک دوسرے سے میل نہیں کھاتا تھا جب کہ ابھی تک والد اور بچے کا ڈی این اے ٹیسٹ نہیں کیا گیا۔ ایسی صورتحال میں پولیس اب تینوں والدین اور بچے کا ڈی این اے ٹیسٹ کرائے گی۔ بچے کے اصل والدین ڈی این اے رپورٹ کے بعد ہی پتہ چلے گے۔ فی الحال پولیس نے اس سنگین معاملے میں کسی کو گرفتار نہیں کیا ہے۔
بھوئی واڑہ پولیس اسٹیشن کے ذرائع نے بتایا کہ بچے اور خاتون کا دو مرتبہ ڈی این اے میچ نہیں ہوا۔ تاہم والد کا ڈی این اے ٹیسٹ نہیں کرایا گیا۔ جوڑے نے یہ بچہ آئی وی ایف کے ذریعے پیدا کیا۔ اس لیے اب ہم جوڑے اور تینوں بچوں کے نمونے ڈی این اے ٹیسٹ کے لیے کالینا کی فارنسک لیب میں بھیجیں گے۔ اس کے علاوہ اس دن موجود متعلقہ ڈاکٹروں، نرسوں اور دیگر عملے کے بیانات بھی قلمبند کیے جائیں گے۔
شکایت کنندہ کا کہنا ہے کہ اسے 2 گھنٹے بعد بچہ دکھایا گیا جب کہ اسپتال انتظامیہ نے پولیس کو بتایا کہ بچے کی طبیعت ٹھیک نہیں ہے۔ اس لیے انہیں فوری طور پر آئی سی یو میں منتقل کر دیا گیا۔ پولیس اب اسپتال کے سی سی ٹی وی کی بھی جانچ کرے گی۔
دراصل 14 نومبر کو جوڑے نے پولیس اسٹیشن میں کیس درج کرایا تھا۔ بھوئی واڑہ پولیس اسٹیشن نے جوڑے کی شکایت کے بعد اسپتال کے ڈاکٹر اور نرس کے خلاف ایف آئی آر درج کی ہے۔
کوئی تبصرے نہیں:
ایک تبصرہ شائع کریں