کلیان : جعلی دستاویزات بنا کر تاریخی درگاڑی قلعے کی اپنے نام کر لیا، پولیس نے کیا مقدمہ درج۔
تھانے: ایک دھوکہ باز نے جعلی دستاویزات کی مدد سے کلیان کا تاریخی درگاڑی قلعہ اپنے نام کر لیا۔ جیسے ہی یہ معاملہ سامنے آیا، ویلفیئر بورڈ کی خاتون افسر پریتی گھوڑے نے مقدمہ درج کر لیا ہے۔ 2 نومبر کو انہوں نے ملزم سویش شرکے (ستواہن) کے خلاف آئی پی سی کی دفعہ 420 465, 466، 468, 471, 773 کے تحت مقدمہ درج کیا ہے۔ پولس معاملے کی تحقیقات کر رہی ہے۔ سویاش شرکے نے کلیان مغربی علاقے کے تاریخی درگاڈی قلعے کی جعلی دستاویز بنا کر اپنا دعویٰ پیش کیا تھا۔ جسے چھترپتی شیواجی مہاراج نے محفوظ کیا تھا۔ اس کے خلاف مہاتما پھولے چوک پولیس اسٹیشن میں مختلف دفعات کے تحت مقدمہ درج کیا گیا ہے۔ بتایا جا رہا ہے کہ ملزم مالشیج، نانے گھاٹ اور دیگر جنگلاتی علاقہ اور ٹورسٹ پلیس ڈیولپمنٹ کمیٹی کا چیئرمین ہے۔
پولیس کے مطابق، سویش شرکے نے 12 ستمبر 2022 کو اس قلعے کو اپنے نام پر منتقل کرنے کے لیے عدم اعتراض سرٹیفکیٹ کے لیے درخواست دی تھی۔ اس درخواست میں شرکے نے اپنے آپ کو ساتواہن بادشاہ کی اولاد اور جانشین بتایا ہے۔
سویش شرکے نے کلیان تحصیل دفتر میں 5 سے 7 دستاویزات بھی جمع کرائے تھے۔ ان دستاویزات پر عہدیداروں کے جعلی دستخط اور مہریں لگی ہوئی تھیں۔ چونکہ یہ معاملہ تاریخی قلعہ سے متعلق تھا اس لیے اسے منظوری کے لیے ضلعی دفتر بھیجا گیا تھا۔
دریں اثنا قلعہ کے کچھ حصوں کی مرمت کروانے کے لیے جب مقامی بازار پٹھ تھانے کے اعلیٰ پولیس افسران نے تھانے ڈسٹرکٹ مجسٹریٹ کے دفتر سے خط و کتابت کی اور قلعہ کے متعلق تحریری معلومات طلب کیں تو اس میں بتایا گیا کہ یہ قلعہ شرکے (ستاوانہ) نے بنایا تھا۔ بادشاہ کی اولاد اور وارثوں سے تعلق رکھتے ہیں، مرمت کے لیے ان سے اجازت لینا ضروری ہے۔
کوئی تبصرے نہیں:
ایک تبصرہ شائع کریں