آر ایس ایس کے یوم تاسیں پر موہن بھاگوت کا ناگپور گراؤنڈ سے چیلنج۔ لاٹھی کا مظاہرہ اور ہتھیاروں کی پوجا
راشٹریہ سویم سیوک سنگھ کے ارکان نے منگل کو آر ایس وجے دشمی تہوار کے موقع پر پاتھ مارچ (روٹ مارچ) کا اہتمام کیا۔ اس موقع پر آر ایس ایس کے سربراہ موہن بھاگوت اور پدم شری شنکر مہادیون بطور چیف گیسٹ موجود تھے۔
آر ایس ایس کی بنیاد کیشو ہیڈگیوار نے 1925 میں وجے دشمی کے دن رکھی تھی۔ اس لیے آر ایس ایس کا یوم تاسیس ہر سال دسہرہ کے دن منایا جاتا ہے۔
سنگھ کے ہیڈکوارٹر ناگپور میں ہر سال دسہرہ کے موقع پر ہتھیاروں کی پوجا کا پروگرام بھی منعقد کیا جاتا ہے۔
سنگھ کے سربراہ موہن بھاگوت نے کہا کہ میتی اور کوکی برادریوں کے لوگ کئی سالوں سے ایک ساتھ رہ رہے ہیں۔ ان کے درمیان اچانک تشدد کیسے ہوا؟
آر ایس ایس سربراہ نے کہا کہ انہیں آر ایس ایس کے کارکنوں پر فخر ہے جنہوں نے منی پور میں امن کی بحالی کے لیے کام کیا۔
موہن بھاگوت نے لوگوں کو 2024 کے لوک سبھا انتخابات سے پہلے جذبات بھڑکا کر ووٹ حاصل کرنے کی کوششوں سے خبردار کیا۔
اس موقع پر آر ایس ایس کے سربراہ موہن بھاگوت نے تنظیم کے بانی بی ہیڈگیوار کو خراج عقیدت پیش کیا۔ شنکر مہادیون نے بھی کے بی ہیڈگیوار کے مجسمے پر پھول چڑھائے اور خراج تحسین پیش کیا ۔
اس پروگرام میں مرکزی وزیر نتن گڈکری اور مہاراشٹر کے نائب وزیر اعلی دیویندر فڑنویس بھی موجود تھے۔ انہوں نے سنگھ کی وردی بھی پہن رکھی تھی۔
کوئی تبصرے نہیں:
ایک تبصرہ شائع کریں