تھانے میں بیوی کو گولی مار کر ہلاک کردیا، پھر دل کا دورہ پڑنے سے شوہر کی بھی ہوگئی موت،
تھانے: مہاراشٹر کے تھانے شہر میں قتل کا سنسنی خیز معاملہ سامنے آیا ہے۔ یہاں ایک 56 سالہ شخص نے اپنی بیوی کو گھر میں گولی مار کر ہلاک کر دیا۔ اس کے بعد دل کا دورہ پڑنے سے اس کی بھی موت ہوگئی۔ پولیس نے ہفتہ کو بتایا کہ یہ حادثہ کلوا کے کھمبھر علی میں واقع یشونت نواس عمارت میں جمعہ کی رات تقریباً 10.15 بجے پیش آیا۔ انہوں نے بتایا کہ متاثرین کی شناخت دلیپ سالوی اور پرمیلا (51) کے طور پر ہوئی ہے۔
ایک پولیس افسر نے بتایا کہ جیسے ہی سالوی جمعہ کی رات گھر واپس آیا تو جوڑے کے درمیان جھگڑا شروع ہوگیا۔ غصے میں اس نے بندوق نکالی اور بیوی کو دو گولیاں مار دیں۔ جس کی وجہ سے وہ موقع پر ہی دم توڑ گئی۔ کچھ دیر بعد سالوی بے ہوش ہوکر زمین پر گر گیا اور دل کا دورہ پڑنے سے اس کی بھی موت ہوگئی۔ سالوی کے قریبی ذرائع نے بتایا کہ اس دوران بیوی نے شور مچایا اور بیٹے کو بلایا لیکن بیٹے کے پہنچنے سے پہلے ہی اس کی موت ہوگئی۔ افسر نے بتایا کہ قتل کی وجہ ابھی تک سامنے نہیں آئی ہے۔
پولیس کے مطابق سالوی کا تعلق کلوا کے ایک مشہور خاندان سے ہے جس کا مقامی سیاست اور سماجی سرگرمیوں میں اچھا اثر و رسوخ ہے۔ بہت سے سرکاری اور دیگر پروجیکٹ ان کے آنجہانی والد یشونت رام سالوی کے نام پر رکھے گئے ہیں۔ دلیپ سالوی سابق ڈپٹی میئر گنیش سالوی کے بھائی تھے۔ وہ این سی پی کے سابق کارپوریٹر ملند سالوی کے چچا اور سابق کارپوریٹر اپرنا سالوی کے چچا تھے۔
ڈی سی پی (زون-1) گنیش گاوڑے اس معاملے کی تحقیقات کی قیادت کر رہے ہیں۔ پولیس نے بتایا کہ جوڑے کی لاشوں کو پوسٹ مارٹم کے لیے سرکاری اسپتال بھیج دیا گیا ہے اور مقدمہ درج کرلیا گیا ہے۔
کوئی تبصرے نہیں:
ایک تبصرہ شائع کریں