ممبئی کے ہیرا پنا مال میں لگی زبردست آگ, 14 افراد کو بحفاظت بچا لیا گیا۔
ممبئی : ممبئی کے جوگیشوری علاقے میں واقع ہیرا پنا مال میں جمعہ کو اچانک زبردست آگ لگ گئی۔ اطلاع ملنے پر فائر بریگیڈ کی ٹیم فوری طور پر پہنچ گئی۔ برہن ممبئی میونسپل کارپوریشن (بی ایم سی) کے مطابق مال کے اندر پھنسے 14 لوگوں کو بحفاظت نکال لیا گیا ہے۔ حکام کا کہنا ہے کہ ابھی تک کسی جانی یا مالی نقصان کی اطلاع نہیں ہے۔
بتایا جا رہا ہے کہ یہ واقعہ دوپہر تقریباً 3:15 بجے پیش آیا۔ اچانک مال میں زبردست آگ بھڑک اٹھی۔ عمارت کو فوری طور پر خالی کرا لیا گیا۔ کارگو کے اوپری حصے سے دھواں اور آگ کے شعلے نکلتے دیکھ کر لوگ دہشت میں مبتلا ہوگئے اور باہر بھاگنے لگے۔ لیکن، 14 لوگ اندر ہی پھنس گئے ہیں۔ ممبئی فائر بریگیڈ کے حکام نے اسے لیول تھری کی آگ قرار دیا ہے۔
فائر بریگیڈ کی 25 گاڑیاں بشمول 12 فائر انجن موقع پر پہنچ گئے۔ مال کے اندر پھنسے 14 افراد کو بحفاظت نکال لیا گیا ہے۔ فی الحال آگ بجھانے کی کوششیں جاری ہیں۔ تادم تحریر آگ لگنے کی وجہ معلوم نہیں ہو سکی ہے۔
کوئی تبصرے نہیں:
ایک تبصرہ شائع کریں