آٹو رکشا میں بیٹھی خاتون کو اغواء کر کے عصمت دری کی ناکام کوشش ،
متاثرہ کی چیخیں سنکر پولیس والوں کے تعاقب کرنے پر آٹو سے دھکا دے دیا۔
ممبئی: مہاراشٹر کے تھانے ضلع میں ایک خاتون مسافر کو اغواء کرکے عصمت دری کی کوشش کرنے اور پھر متاثرہ کو گاڑی سے باہر دھکیلنے کے الزام میں دو آٹورکشا ڈرائیوروں کو گرفتار کیا گیا ہے۔ ایک پولیس اہلکار نے یہ معلومات دی۔ افسر نے بتایا کہ یہ واقعہ 8 ستمبر کی رات 10.45 بجے ضلع کے ڈومبیولی کے ممپاڈا تھانہ علاقے میں سامنے آیا۔ اس واقعے میں زخمی ہونے والی متاثرہ خاتون کو علاج کے لیے اسپتال میں داخل کرایا گیا ہے۔
سینئر انسپکٹر سریش مدانے نے بتایا کہ کھیڑکالی کے ایک مندر میں پوجا کرنے کے بعد خاتون آٹورکشا میں کولے گاؤں ناکہ جانے لگی۔ جب وہ آٹورکشا میں بیٹھی تو اس میں پہلے سے ایک شخص اور ڈرائیور موجود تھا۔ جہاں خاتون کو اٹو سے اترنا تھا وہاں ڈرائیور نے آٹورکشا کی رفتار بڑھا دی اور آگے بڑھ گیا۔ جبکہ آٹو میں بیٹھے دوسرے شخص نے اسکریو ڈرایور نکال لیا۔ انہوں نے بتایا کہ ڈرائیور پربھاکر پاٹل (22) اور اس کے ساتھی ویبھو تارے (19) نے خاتون کو زبردستی اس کے کپڑے اتارنے پر مجبور کیا اور اس کی عصمت دری کرنے ہی والے تھے کہ دو پٹرولنگ پولیس اہلکاروں اتل بھویئے اور سدھیر حسے نے اس کی چیخیں سنیں۔
سینئر انسپکٹر سریش مدانے نے بتایا کہ حسے اور بھویئے نے آٹورکشا کا پیچھا کیا، جس کے بعد ملزم پاٹل اور تارے نے بھاگتے ہوئے خاتون کو گاڑی سے دھکا دے دیا، جس کی وجہ سے وہ زخمی ہوگئی۔ انہوں نے بتایا کہ خاتون کا علاج جاری ہے۔ تاہم، حسے اور بھویئے نے انہیں کچھ فاصلے پر پکڑ لیا، افسر نے کہا۔ ان میں سے ایک نے پولیس اہلکاروں پر اسکریو ڈرایور سے حملہ کیا۔ ہماری تحقیقات سے پتہ چلتا ہے کہ تارے ایک ہسٹری شیٹر ہے۔ اور اس کے خلاف ممبرا تھانہ میں مقدمات درج ہیں۔ مدانے نے کہا کہ پاٹل اور تارے کے خلاف اغواء، مجرمانہ دھمکی، عورت پر حملہ اور اس کے کپڑے اتارنے، جنسی ہراسانی اور دیگر جرائم کے لیے آئی پی سی کی دفعات کے تحت مقدمہ درج کیا گیا ہے۔
کوئی تبصرے نہیں:
ایک تبصرہ شائع کریں