بیدر میں 1965 میں ہوئی 2 بھینسں اور ایک بچھڑے کی چوری کا ملزم 60 سال بعد گرفتار،
بیدر کرناٹک اور مہاراشٹر کی سرحد پر واقع ایک ضلع ہے۔ یہاں ایک بہت ہی دلچسپ معاملہ سامنے آیا ہے۔ پولیس نے ایک 78 سالہ شخص کو گرفتار کیا ہے۔ بزرگ پر چوری کا الزام ہے انہوں نے یہ چوری حال فی الحال میں نہیں بلکہ 60 سال پہلے کی تھی۔ بزرگ نے دو بھینسیں اور ایک بچھڑا چرایا تھا۔ مہاراشٹر کے ادگیر کے گنپتی وٹھل واگور نے 25 اپریل 1965 کو چوری کی واردات انجام دی تھی۔ اس وقت ان کی عمر صرف 18 سال تھی۔ پولیس نے بتایا کہ گنپتی وٹھل نے چوری کی یہ واردات ضلع بیدر کے بھلکی تعلقہ میں واقع مہکر گاؤں میں ہوئی۔ واگھمور نے مرلی دھر مانک راؤ کلکرنی کء دو بھینسیں اور ایک بھینس کا بچھڑا چرایا تھا۔
پولیس نے بتایا کہ بھینسوں اور بچھڑے کو مہاراشٹر کے لاتور ضلع کے کرکی گاؤں سے تلاش کیا گیا اور ان کے مالک مرلی دھر مانک راؤ کلکرنی کو واپس کر دیا گیا۔ وٹھل کو پہلے گرفتار کیا گیا تھا لیکن عدالت نے اسے ضمانت دے دی تھی۔ ضمانت ملنے کے بعد وہ فرار ہو گیا۔ عدالت نے ان کے خلاف اوپن وارنٹ جاری کیا تھا۔ پولیس پچھلے ایک سال سے اس کی تلاش کر رہی تھی۔
پولیس کے مطابق کلکرنی کی موت چند سال قبل ہوئی تھی۔ پولیس نے کہا کہ وٹھل کو ضمانت ملنے کی امید ہے، خاص طور پر اس کی عمر کو دیکھتے ہوئے. لیکن اس بار پولیس اس پر کڑی نظر رکھے گی۔ھینس اور بچھڑے کی چوری میں وٹھل کے ساتھ شریک ملزم کرشن چندر بھی تھا۔ کرشن چندر کی عمر 1965 میں 30 سال تھی۔ اس کی موت 2006 میں ہوئی۔ بیدر کے ایس پی چناباسوانا لنگوٹی نے کہا کہ بھینسوں کا مبینہ چور وٹھل برسوں سے پولیس کے ساتھ آنکھ مچولی کا کھیل کھیل رہا تھا۔
اب 78 سالہ وٹھل کو مقامی پولیس نے گرفتار کر لیا ہے۔ وٹھل کو کولڈ کیس پروجیکٹ کے تحت گرفتار کیا گیا ہے جسے ایل پی سی کہا جاتا ہے۔ طویل عرصے سے زیر التواء مقدمات میں کاروائی کے لیے ایل پی سی اسکیم شروع کی گئی ہے۔
بیدر پولیس کے لیے، یہ ایل پی سیز میں سب سے پرانا تھا جسے وہ فی الحال سنبھال رہے ہیں۔ کرناٹک کا بیدر ضلع مہاراشٹر کی سرحد سے ملتا ہے۔ یہاں بہت سارے بین ریاستی جرائم ہوتے ہیں۔ مہاراشٹر سے کرناٹک اور کرناٹک سے مہاراشٹر میں جرائم کا ارتکاب عام ہے۔
کوئی تبصرے نہیں:
ایک تبصرہ شائع کریں