منی پور تشدد و انسانیت سوز حالات کے خلاف ایم آئی ایم جلگاؤں نے ضلع کلکٹر کو دیا میمورنڈم۔
جلگاؤں (عقیل خان بیاولی) ایم-آئی-ایم کی قومی قیادت و ہدایت پر عمل آوری کرتے ہوئے جلگاؤں ضلع صدر احمد شیخ کی قیادت میں ایم-آئی-ایم۔ جلگاؤں یونٹ نے ضلع کلکٹر آیوش پرساد کو ایک میمورنڈم سونپا جس کے ذریعہ صدرِ جمہوریہ ہند، وزیرِ اعظم،و مرکزی وزیرِ داخلہ کی توجہ جلتے ، سلگتے ہوئے اور انسانیت کو شرمسار کرنے والے منی پور کے واقعات کی طرف مبذول کرائی گئی۔ اس موقعہ پر ٹیم ایم-ائی-ایم- جلگاؤں نے ضلع کلکٹر کے سامنے اپنی بات رکھی کہ منی پور میں صدارتی راج نافذ کیا جائے، مہلوکین کے ورثاء کو 50 لاکھ بطور معاوضہ دیا جائے جبکہ شدید زخمیوں کو 10 لاکھ اور دیگر متاثرین کو 5 لاکھ کی فوری مدد دی جائے۔ ساتھ ہی ضلع صدر احمد شیخ نے پر زور مطالبہ کیا کہ منی پور تشدد اور فسادات کے خاطی سرکاری افسران و محکمہ پولیس کے فرائض کی ادائیگی میں قصور وار پائے جانے والے افسران کو فوری برخاست کیا جائے، منی پور میں امن و امان کی صورتحال کو یقینی بنایا جائے۔ جلگاؤں ضلع کے نگراں خالد شیخ نے اس وقت رہنمائی فرمائی ۔ اس موقعہ پر ضلع صدر احمد سر کے ہمراہ واصف علی سر ( تعلقہ صدر ) ، خالد کھاٹک ( تعلقہ کارگزار صدر) ، سعید شیخ ( ضلع سیکریٹری) ، اکرم دیشمکھ ( نگر سیوک نمائندہ )، ڈاکٹر شریف باغبان، محسن کاکر ، لقمان شیخ، ارشد شیخ، شیبان فائز ، عبد الشکور دیشپانڈے، وسیم خان، حذیفہ شیخ، عمر فاروق، سمیر خان، تنویر شیخ وقار علی وغیرہ موجود تھے ۔
کوئی تبصرے نہیں:
ایک تبصرہ شائع کریں