غزل

 

غزل 

نام: واصف اقبال واصف 

تریاہی، مدھوبنی، بہار 

موبائل: 9971865467

تری صحبت میں جو گزری   وہی کیا زندگانی ہے

غموں نے دم کچل ڈالا جو ہے سہمی جوانی ہے

بہا جب خوں غلامی میں رہا یہ تن بدن جلتا 

اگر قسمت پلٹتی ہے تو قسمت آزمانی ہے

اتر کر سچ کے سانچے میں غلط پھر بھی غلط ہوگا 

غلط کو پھر غلط کہنے کی عادت خاندانی ہے

عداوت کو بھلانے میں رفاقت کو نبھانے میں

نہ اوّل کوئی ہے مجھ سے نہ میرا کوئی ثانی ہے

عجب وحشت کا عالم ہے ترے دورِحکومت میں

یہاں ہر سر پہ خنجر ہے یہ کیسی حکمرانی ہے

کرائے کا بسیرا ہے نہیں ذاتی مکاں واصف

کہ ہر شے عارضی ٹھہری یہ دنیا بھی تو فانی ہے