بیوی کو بے رحمی سے پیٹا اور برہنہ کرکے ویڈیو بنائی

 

ڈھولانہ (ہاپوڑ) ہاپوڑ کے دھولانہ علاقے میں واقع گاؤں میں ایک نوجوان اپنے بھائی کے خلاف مقدمہ درج ہونے کے بعد پرتشدد ہو گیا۔ نوجوان نے پہلے اپنی بیوی کو بے رحمی سے گرا کر پیٹا اور پھر زبردستی اس کے کپڑے پھاڑ ڈالے۔ بدنام کرنے کے لیے اس کی عریاں ویڈیو بنائی اور اسی حالت میں اسے گھر سے نکال دیا۔ موقع پر موجود ایک پڑوسی نے اس واقعہ کی ویڈیو بنائی۔ ویڈیو وائرل ہونے کے بعد پولیس نے ملزم شوہر کے خلاف مقدمہ درج کرکے اسے گرفتار کرلیا۔ متاثرہ نے 19 جنوری کو اپنی جیٹھ کے خلاف مقدمہ درج کرایا تھا جس میں کہا گیا تھا کہ جیٹھ نے رات کو اس کے کمرے میں داخل ہوکر اس کے ساتھ فحش حرکت کی۔ تب سے وہ اپنے میکے میں رہ رہی تھی۔ تحریر دیتے ہوئے متاثرہ نے بتایا کہ 12 فروری کو اس کا شوہر، ساس، نند اور ایک نامعلوم خاتون اس کے میکے  پہنچے اور اسے اپنے سسرال لے گئے۔ سسرال پہنچتے ہی ان لوگوں نے اس کے ساتھ مارپیٹ  شروع کر دی۔ ان لوگوں نے جیٹھ پر مجسٹریٹ کے سامنے دیا گیا بیان واپس لینے کے لیے دباؤ ڈالا۔

انکار پر شوہر مشتعل ہوگیا اور بیوی کو کمرے میں لے جاکر گرا گرا کر پیٹا۔ اسے چارپائی پر لیٹایا اور لاتوں اور گھونسوں سے مارا۔ اس کے بعد اس کے جسم پر موجود تمام کپڑے کھینچ کر پھاڑ دیے گئے۔ ملزم شوہر یہیں نہیں رکا، بیوی کو بدنام کرنے کی نیت سے شوہر نے اپنے موبائل سے اس کی برہنہ ویڈیو بھی  بنا لی۔ متاثرہ کا الزام ہے کہ اس دوران اس کے شوہر نے اسے زبردستی زیادتی کا نشانہ بھی بنایا۔ اس کے بعد اسے برہنہ حالت میں گھر سے باہر نکال دیا. بیوی کو مارنے اور برہنہ کرنے کی ویڈیو ایک پڑوسی دروازے سے بنا رہا تھا تب اہل خانہ نے دروازہ بند کر دیا۔ اس کے بعد کمرے کی کھڑکی سے پورے معاملے کی ویڈیو بنائی گئی۔ جس میں ملزم بیوی سے مارپیٹ کرتے، برہنہ کرتے اور موبائل سے اس کی ویڈیو بنانے ہوئے قید ہوگیا۔ جس کی بنیاد پر پولیس نے معاملے کی رپورٹ درج کر لی ہے۔ وائرل ویڈیو میں متاثرہ خاتون اپنے شوہر کے سامنے فریاد کرتی اور روتی ہوئی نظر آ رہی ہے۔ وہ بار بار اپنے شوہر سے التجا کرتی ہے کہ ایسا نہ کرے لیکن شوہر اس کی بات نہیں سنتا ہے۔