اسپتال کا ڈائریکٹر دلت خاتون کی عصمت دری کرکے ویڈیو وائرل کرنے کی دے رہا ہے دھمکی : انصاف کے لئے برسوں سے در در  بھٹک رہی متاثرہ 

اعظم گڑھ: پوائی تھانہ علاقے کی ایک خاتون نے علاقے کے ایک پرائیویٹ کلینک ڈائریکٹر پر بے ہوشی کی دوا کھلا کر اس کی عصمت دری کرنے کا الزام لگایا ہے، ساتھ ہی ویڈیو بنا کر اسے وائرل کرنے کی دھمکی دی ہے۔  اس سلسلے میں وہ اتوار کو پوائی پولیس اسٹیشن پہنچے اور شکایتی خط دے کر کاروائی کا مطالبہ کیا۔

  پولیس کو دیئے گئے شکایتی خط میں مذکورہ خاتون نے کہا کہ وہ 2016 میں پوائی شہر کے ایک پرائیویٹ کلینک میں دائی کے طور پر کام کر تی تھی۔  کلینک کے ڈائریکٹر نے اسے ماہانہ نو ہزار روپے تنخواہ دینے کو کہا تھا۔  ایک سال بعد جب اس نے کلینک ڈائریکٹر سے تنخواہ کا مطالبہ کیا تو اس نے اسے کہا کہ اس وقت پیسے نہیں ہیں، ایک ہفتے کا وقت دیں، میں اس کے بدلے میں تمہیں زمین دے دوں گا۔ شکایتی خط میں خاتون نے مزید کہا کہ ایک ہفتے کے بعد وہ کلینک آیا اور مجھے جعلی زمین کے کاغذات دیئے اور کہا کہ تمہارا کام ہو گیا۔  اس کے بعد پلاٹ کا مالک بننے کی خوشی میں مٹھائی کھلانے کے بہانے ڈاکٹر نے اسے نشہ آور چیز کھلا کر بے ہوش کردیا۔  اس کے بعد ہسپتال کے ڈائریکٹر نے اس کی عصمت دری کرکے اس کی ویڈیو بنا لی۔ متاثرہ نے یہ بھی بتایا کہ جب اس نے ہوش میں آ کر ہسپتال کے ڈائریکٹر کو کہا کہ میں اس بارے میں پولیس کو بتاؤں گی تو اس نے متاثرہ کو دھمکی دیتے ہوئے کہا کہ اگر میں نے اس کا ذکر کسی سے بھی کیا۔ یا پیسے مانگے تو اس ویڈیو کو وائرل کر دوں گا۔  متاثرہ نے بدنامی کے خوف سے یہ بات کسی سے نہیں کہی اور خاموش رہنے میان ہی اپنی بہتری سمجھی۔  جسمانی زیادتی کا شکار ہونے پر مجبور متاثرہ لڑکی نے اس سلسلے میں تھانہ صدر میں متعدد شکایات کیں لیکن کوئی کاروائی نہیں ہوئی۔  اب صورت حال یہ ہے کہ ہسپتال کا ڈائریکٹر متاثرہ لڑکی پر بد کرداری کا الزام لگا کر جان سے مارنے کی دھمکی دے رہا ہے۔  پوائی پولیس اسٹیشن میں دیئے گئے اس شکایتی خط میں اسپتال کے ڈائریکٹر کے خلاف کاروائی کا مطالبہ کیا گیا ہے۔

  اس سلسلے میں ایس ایچ او پوائی رتنیش دوبے کا کہنا ہے کہ خاتون کی جانب سے یہاں کے ایک اسپتال کے ڈائریکٹر کے خلاف شکایت کی گئی ہے، تاہم معاملہ بہت پرانا ہونے کی وجہ سے معاملے کی تحقیقات کے بعد قانونی کاروائی کی جائے گی۔