ممبئی پولیس نے کیا گجرات میں میفیڈرون بنانے والی   کمپنی کا پردہ فاش، 1026 کروڑ مالیت کی منشیات ضبط

  ممبئی: ممبئی پولیس کو بڑی کامیابی ملی ہے۔  پولیس نے گجرات میں نشہ آور منشیات میفیڈرون بنانے والے یونٹ کا پردہ فاش کیا ہے۔  پولیس نے جائے وقوعہ سے 500 کلو گرام ممنوعہ مادہ برآمد کر لیا ہے۔  اس کی قیمت 1026 کروڑ روپے بتائی گئی ہے۔  ایک پولیس افسر نے منگل کو یہ معلومات دی۔  دوسری جانب گزشتہ ہفتے بھی ممبئی پولیس کی کرائم برانچ نے منشیات اسمگل کرنے والے ایک گروہ کا پردہ فاش کیا تھا۔

 اہلکار نے بتایا کہ ایک خفیہ اطلاع پر کاروائی کرتے ہوئے، پولیس کے انسداد منشیات سیل (ANC) کی ورلی شاخ نے 13 اگست کو گجرات کے انکلیشور قصبے میں ایک مینوفیکچرنگ یونٹ پر چھاپہ مارا۔  وہاں سے 513 کلو گرام مصنوعی منشیات برآمد کر لی۔  انہوں نے کہا کہ اے این سی کی ٹیم نے مینوفیکچرنگ یونٹ کے مالک گری راج دکشٹ کو گرفتار کر لیا۔  انہوں نے بتایا کہ گری راج نے کیمسٹری میں پی جی کیا ہے۔

 ممبئی پولیس کی کرائم برانچ نے گزشتہ ہفتے منشیات کی اسمگلنگ کرنے والے ایک گروہ کا پردہ فاش کیا تھا۔  ڈی سی پی دتا نلاواڑے کے مطابق، پولیس نے ایرولی بریج علاقے میں جال بچھا کر دو لوگوں کو گانجے کے ساتھ گرفتار کیا۔  ملزمان کے نام اشونی کمار شرما (32) اور راجو رمیش لوہار (24) ہیں۔  دونوں تھانے ضلع کے رہنے والے ہے۔  ان کے پاس سے 266 کلو گانجہ برآمد ہوا۔  اس کی مارکیٹ ویلیو 66 لاکھ 50 ہزار روپے بتائی جارہی ہے۔