39 دن بعد منگل کو ہوگی شندے کابینہ کی توسیع! بی جے پی کے 8 اور شندے گروپ کے 7 وزراء لیں گے حلف ۔
ممبئی: مہاراشٹر میں 39 دن پرانی ایکناتھ شندے حکومت کی کابینہ میں توسیع منگل کو ہونے جا رہی ہے۔ باوثوق ذرائع کے مطابق کابینہ کی توسیع کے لیے بی جے پی اور شیوسینا کے شندے گروپ کے ناموں کی فہرست کو حتمی شکل دے دی گئی ہے۔ ذرائع کے مطابق بی جے پی کے 8 اور شندے گروپ کے 7 وزراء حلف لیں گے۔ دہلی کی مرکزی قیادت نے فڈنویس کے حامیوں جیسے پروین دریکر، گریش مہاجن، رویندر چوہان کو بی جے پی کی کابینہ میں شامل کرنے کی منظوری دے دی ہے۔ اس کے علاوہ بی جے پی کے سابق وزراء جیسے چندر شیکھر باونکولے، چندرکانت پاٹل اور سدھیر منگنتیوار بھی حلف لینے والے ہیں۔ دوسری جانب ادھو حکومت سے استعفیٰ دینے والے کابینی وزیر شندے گروپ سے وزیر کے طور پر حلف لیں گے۔
بی جے پی نے اگلے لوک سبھا انتخابات میں مہاراشٹر کی تمام 48 لوک سبھا سیٹیں جیتنے کا ہدف رکھا ہے۔ یہ دعویٰ بی جے پی کے سینئر لیڈر اور ریلوے کے وزیر مملکت راؤ صاحب دانوے نے اتوار کو کیا۔ دانوے نے کہا کہ اب بی جے پی کا مشن 45 نہیں 48 ہے۔ دانوے کے اس دعوے کے بعد شیوسینا کے باغی شندے گروپ میں شامل ایم ایل اے سکتے میں آگئے۔ دانوے کا یہ بیان وائرل ہوتے ہی دہلی میں موجود وزیر اعلیٰ ایکناتھ شندے اور نائب وزیر اعلیٰ دیویندر فڈنویس اس پر صفائی دینی پڑی۔
فڈنویس نے صفائی دیتے ہوئے کہا کہ، "شندے گروپ کے ممبران پارلیمنٹ ہمارے ساتھ ہیں اور انہیں جیت دلانا ہماری ذمہ داری ہے۔" فڈنویس نے کہا، 'ہم اپنی پارٹی کو مضبوط کر رہے ہیں، لیکن ہم شیوسینا کے ممبران اسمبلی کو منتخب کرنے کے لیے اپنی پوری طاقت استعمال کریں گے۔' ساتھ ہی ایکناتھ شندے نے کہا، 'ہم بی جے پی اور شیوسینا کے اتحاد کے طور پر الیکشن لڑیں گے اور جیتیں گے۔'
کوئی تبصرے نہیں:
ایک تبصرہ شائع کریں