بیوی نے کیا معصوم بچے کے سامنے کلہاڑی شوہر کا قتل، بیٹے کے ساتھ تھانے پہنچ کر کیا اقبال جرم
جالون: اترپردیش میں اکثر قتل سے متعلق ہولناک واقعات منظر عام پر آتے رہتے ہیں۔ ایسا ہی ایک چونکا دینے والا نیا معاملہ یوپی کے جالون ضلع سے سامنے آیا ہے، جہاں اتوار کی رات دیر گئے ایک خاتون نے اپنے شوہر کو کلہاڑی سے وار کرکے قتل کر دیا۔ یہ واقعہ اس وقت سامنے آیا جب خاتون قتل کی واردات کو انجام دینے کے بعد اپنے 7 سالہ بیٹے کے ساتھ تھانے پہنچی اور خود اپنے جرم کا اعتراف کیا۔ خاتون کے منہ سے شوہر کے بہیمانہ قتل کی خبر سن کر پورے تھانے میں کہرام مچ گیا، جس کے بعد تھانے سے فورس موقعۂ واردت پر پہنچ گئی۔ جہاں تفتیش کے بعد لاش کو پوسٹ مارٹم کے لیے بھیج دیا گیا۔ سٹی کوتوال شیوکمار سنگھ راٹھور کا کہنا ہے کہ شوہر کو قتل کرنے والی بیوی کو حراست میں لے لیا گیا ہے۔
پورا معاملہ جالون ضلع کے اورائی کوتوالی کے جھانسی روڈ پر واقع عمر کھیڑا گاؤں کا ہے۔ جہاں اپنے شوہر سندیپ اور 7 سالہ بیٹے اور معصوم بیٹی کے ساتھ رہنے والی سندھیا نے اتوار کی رات دیر گئے قتل کی واردات کو انجام دیا۔ تفتیش کے بعد لاش کو پوسٹ مارٹم کے لیے بھیج دیا گیا۔ سٹی کوتوال شیوکمار سنگھ راٹھور نے بتایا کہ سندیپ (30) شرابی تھا۔ جس کی وجہ سے جوڑے میں آئے روز جھگڑا رہتا تھا۔ اس کی وجہ سے اتوار کی رات دیر گئے شراب پی کر شوہر سے جھگڑے کے بعد بیوی سندھیا نے کلہاڑی کے وار کر کے اسے قتل کر دیا۔ جس کی وجہ سے وہ موقع پر ہی دم توڑ گیا۔
اطلاع کے بعد موقع پر تحقیقات کے لیے پہنچی پولیس نے بتایا کہ اتوار کی دیر رات سندھیا نے اپنے معصوم بیٹے کے سامنے اپنے شوہر کا بے دردی سے قتل کر دیا۔ وہیں پولیس پوچھ تاچھ کے دوران 7 سالہ بیٹے ہارڈک نے بتایا کہ اس کے والد اتوار کو شراب پی کر رات دیر گئے آیا تھا۔ اس نے نشے کی حالت میں ماں کو مارا پیٹا اور گالیاں دیں جس کے بعد وہ سو گیا۔ جھگڑے اور مار پیٹ کے بعد ماں ایک کونے میں بیٹھی رو رہی تھی۔ اسی وقت رات کے تقریباً 9 بج رہے تھے۔ پھر اچانک ماں اٹھی اور پاس رکھی کلہاڑی اٹھائی جس کے بعد اس نے باپ کے سر پر وار کیا۔ اس کے بعد جب اس کے سر پر چوٹ لگی تو والد چلایا، دوسرے حملے میں وہ جان کی بازی ہار گیا۔ اس کے بعد وہ کلہاڑی پھینک کر میرا ہاتھ پکڑ کر تھانے پہنچ گئی۔
پولیس نے بتایا کہ سندھیا کی شادی تقریباً 8 سال قبل اورائی کوتوالی کے جھانسی روڈ پر عمر کھیڑا گاؤں میں سندیپ سے ہوئی تھی۔ شادی کے بعد دونوں کے درمیان سب کچھ ٹھیک چل رہا تھا۔ شادی کے ایک سال بعد دونوں کے ہاں بیٹا پیدا ہوا۔ اس کے بعد سندیپ سخت محنت کرنے لگا۔ وہ اپنے بچے کو کچھ بنتا دیکھنا چاہتا تھا۔اس درمیان میں ایک بیٹی بھی پیدا ہوئی۔ جس کی عمر تین سال ہے۔ پولیس کا کہنا ہے کہ بیٹی کی پیدائش کے بعد میاں بیوی میں جھگڑا ہونے لگا۔ جھگڑے کی وجہ سے سندیپ ہر روز شراب پی کر گھر آنے لگا۔ اس شراب کے نشے میں سندیپ روزانہ گھر آکر سندھیا کی پٹائی کرتا تھا۔
لواحقین نے پولیس کو بتایا کہ سندھیا اپنے بچوں کی پرورش غلط ماحول میں نہیں کرنا چاہتی تھی۔ چنانچہ وہ اپنے بیٹے ہاردک اور بیٹی کے ساتھ اپنے میکے چلی گئی۔ اس دوران سندیپ اپنی بیوی کو اس کے پاس جا کر راضی کرنے کی کوشش کرتا لیکن سندھیا نے اس کے سامنے شراب چھوڑنے کی شرط رکھتی۔ یہ کرتے کرتے تقریباً تین سال گزر گئے۔ رشتہ داروں نے بتایا کہ چند روز قبل سندیپ سندھیا کے ماموں کے گھر گیا اور اپنے بیٹے ہاردک کو زبردستی اپنے ساتھ لے آیا، جس کے بعد سندھیا کو اپنے بیٹے کی زیادہ فکر ہونے لگی۔ جب بیٹے کی فکر مزید بڑھ گئی تو سندھیا تقریباً ایک ماہ قبل اپنے سسرال واپس چلی آئی تھی۔ یہاں آنے کے بعد بھی جب اسے اپنے شوہر اور اس کی حرکتوں میں کوئی بہتری نظر نہ آئی تو اس نے اپنے شوہر کو قتل کرنے کا فیصلہ کیا۔ جس کے بعد اتوار کی رات دیر گئے شوہر سندیپ کا اس نے کلہاڑی سے قتل کر دیا۔
کوئی تبصرے نہیں:
ایک تبصرہ شائع کریں