50 کھوکے.. ایک دم اوکے' کے نعرے کے تنازعہ پر ادھو ٹھاکرے کی انٹری، کیا کہا شیوسینا سربراہ نے  

 شیوسینا کا ٹھاکرے گروپ مہاراشٹر میں ایکناتھ شندے کی حکومت پر مسلسل حملہ آور ہے۔  حال ہی میں ریاستی اسمبلی کا اجلاس شروع ہوا ہے۔  اس دوران وزیراعلیٰ شندے کو دیکھ کر ٹھاکرے گروپ پر '50 کھوکے ایک دم اوکے' کا نعرہ لگانے کا الزام ہے۔  اب مہاراشٹر کے سابق وزیر اعلی اور شیوسینا کے سربراہ ادھو ٹھاکرے کی بھی اس تنازعہ میں انٹری ہوگئی ہیں۔  ادھو ٹھاکرے نے کہا کہ ہمارے یہاں کارکنوں کی وفاداری کے کھوکے آ رہے ہیں، ان کھوکوں کے اندر کیا ہے، اسے کھول کر دیکھنا چاہیے۔

 ماتوشری پر آئے شیوسینکوں سے خطاب کرتے ہوئے ادھو ٹھاکرے نے کہا، ’’لوگوں کے جذبات ہمارے ساتھ ہیں۔  لوگ الیکشن کا انتظار کر رہے ہیں کہ کب الیکشن ہوں گے اور ہم ان غداروں کو سبق سکھائیں گے لیکن میں نہیں سمجھتا کہ ان میں جلد الیکشن کرانے کی ہمت ہے۔  پھر کم از کم اس بہانے عوامی جذبات ہمارے ساتھ جڑنے چاہئے۔

ادھو ٹھاکرے نے کہا، اسی لیے میں آپ سے ہاتھ جوڑ کر ایک بار پھر درخواست کرتا ہوں کہ آج آپ نے شروعات کی ہے، مجھے یقین ہے۔  اگلی بار جب آپ آئیں گے تو 5 کے 15 , 15 کے 20 اور وہ بھی وفاداری کے کھوکے لے کر آئیں گے، ورنہ اندر میڈیا والے ہیں، کہیں گے کہ یہاں بھی کھوکے آرہے ہیں۔  ہاں.. (کھوکے) آ رہے ہیں.. لیکن یہ کھوکے کس بات کے ہیں، کھول کر دیکھو.. اس میں شیوسینکوں کی وفاداری ہے اور میں اس وفاداری کو احترام کے ساتھ قبول کرتا ہوں.. دراصل آج مہاراشٹر کے دیہی علاقوں سے شیوسینک ماتوشری آئے تھے اور وہ اپنے ساتھ وفاداری کے حلف ناموں سے بھرے چھ بکس لائے تھے۔ ، جو انہوں نے ادھو ٹھاکرے کو سونپ دیے۔