وزیراعلیٰ ایکناتھ شندے نے ادھو ٹھاکرے کو ان کی سالگرہ کی مبارکباد دی،
مہاراشٹر کے سابق وزیر اعلیٰ ادھو ٹھاکرے 62 برس کے ہو گئے ہیں اور اس موقع پر بدھ کو ریاست کے وزیر اعلیٰ ایکناتھ شندے نے انہیں سالگرہ کی مبارکباد دی، لیکن طنز بھی کیا۔ پچھلے مہینے، ایکناتھ شندے اور شیوسینا کے دیگر 39 اور 10 آزاد ایم ایل ایز نے ادھو ٹھاکرے کے خلاف بغاوت کی تھی، جس کے نتیجے میں شیوسینا، نیشنلسٹ کانگریس پارٹی اور کانگریس کے گٹھ بندھن والی مہاراشٹر کی مہا وکاس اگھاڑی حکومت گر گئی، جس کی قیادت ادھو ٹھاکرے کر رہے تھے۔
ایکناتھ شندے نے اپنے مبارکبادی پیغام میں ادھو ٹھاکرے کو سابق وزیر اعلیٰ کہا، لیکن انہیں شیوسینا سربراہ کہہ کر مخاطب نہیں کیا۔ ایکناتھ شندے نے ٹوئیٹ کیا، 'سابق وزیر اعلیٰ ادھو ٹھاکرے کو سالگرہ مبارک۔ میں ان کی لمبی زندگی اور اچھی صحت کی خواہش کرتا ہوں۔
حال ہی میں شیو سینا کے 19 لوک سبھا ممبران میں سے 12 نے بھی ایم ایل ایز کی بغاوت کے بعد ایکناتھ شندے کے گروپ کی حمایت کی۔ شندے نے حال ہی میں اپنے گروپ کی ایک قومی ایگزیکٹو تشکیل دی ہے اور وہ اصل شیوسینا ہونے کا دعویٰ کیا ہے۔
عدالت میں 16 باغی ایم ایل اے کو نااہل قرار دینے کے معاملے پر ادھو ٹھاکرے اور ایکناتھ شندے کے گروپ کے درمیان قانونی جنگ جاری ہے۔ اس کے علاوہ دونوں گروپ نے پارٹی کے انتخابی نشان کے حوالے سے الیکشن کمیشن آف انڈیا کے سامنے اپنے دعوے پیش کیے ہیں۔
کوئی تبصرے نہیں:
ایک تبصرہ شائع کریں