ناسک میں ایکناتھ شندے کا  'شکتی بل پردرشن'، حامیوں نے جے سی بی سے کی پھولوں  بارش۔ ویڈیو دیکھیں

  ایکناتھ شندے وزیر اعلیٰ بننے کے بعد پہلی بار جمعہ کی رات دیر گئے ناسک پہنچے تھے۔  یہاں انہوں نے اپنے حامیوں کے ساتھ  'شکتی بل پردیشن' کیا۔  انہوں نے پاتھرڈی پھاٹا پر چھترپتی شیواجی کے مجسمہ پر بھی پھول چڑھائے۔  ساتھ ہی انہوں نے یہ بھی یقین دیا کہ شدید بارش کھ وجہ سے کسانوں کو جو نقصان ہوا ہے اس کا معاوضہ دلانے کے لیے ہفتہ کو عہدیداروں کی میٹنگ بلائی گئی ہے اور اس سلسلے میں فیصلہ کیا جائے گا۔

  ایکناتھ شندے جو وزیر اعلیٰ کے عہدے کا حلف لینے کے بعد پہلی بار ناسک آئے تھے، رات 11 بجے پاتھرڈی پھاٹا پر ان کے حامیوں اور بی جے پی کارکنان نے ان کا پرجوش استقبال کیا۔  پاتھرڈی پھاٹا میں منعقدہ چھوٹے کھانی تقریب میں شندے نے کہا کہ ریاست میں جو مخلوط حکومت بنی ہے وہ عام کارکنوں کی حکومت ہے۔  انہوں نے کہا کہ ناسک ضلع کے تریمبک سمیت تمام یاتری مقامات کو پنڈھر پور یاتری کے طور پر ترقی دی جائے گی۔

  ایکناتھ شندے نے کہا کہ حکام کو بھاری بارش سے کسانوں کو ہوئے نقصان کے بارے میں مطلع کر دیا گیا ہے اور اس سلسلے میں ہفتہ کو ایک جائزہ میٹنگ بلائی گئی ہے۔  انہوں نے کہا کہ کسانوں کو معاوضہ دینے کے حوالے سے فیصلہ کیا جائے گا۔

انہوں نے کہا کہ ناسک میں منعقد ہونے والے سمہستھ کمبھ میلے کی بھی منصوبہ بندی کی جا رہی ہے اور حکومت ناسک کو ترقیاتی کاموں سے بدلنے سے دریغ نہیں کرے گی۔ تھوڑے وقت کے لئے ناسک میں رکے وزیراعلیٰ  کے پہلے دورے میں کچھ تاخیر ضرور ہوئی، لیکن شندے کے حامیوں اور بی جے پی کارکنان نے رات 8 بجے سے ہی پاتھرڈی پھاٹے پر بھیڑ اکھٹا کردی۔  اس دوران حامیوں نے جے سی بی سے ان پر پھولوں کی پتیاں نچھاور کیں۔

 ہیمنت گوڈسے، سہاس کاندے، سابق ایم ایل اے کاشی ناتھ مینگل جیسے بزرگ مقامی لیڈران بھی شندے کے استقبال کے لیے موجود تھے۔  ساتھ ہی، ادھو گروپ کا دعویٰ ہے کہ ناسک میں کوئی بھی شیوسینک شندے کی حمایت نہیں کرے گا۔  تاہم، میونسپل اسٹینڈنگ کمیٹی کے سابق چیئرمین ماما ٹھاکرے سمیت کئی شیوسینک اسٹیج پر موجود تھے۔

 شیوسینکوں کے ساتھ بی جے پی کے کچھ عہدیدار بھی وزیر اعلیٰ کے استقبال کے لیے وہاں موجود تھے۔  ان سب کا شندے  کی طرف سے خیر مقدم کیا گیا۔  اس کے بعد شندے مالیگاؤں کے لئے روانہ ہوگئے۔  راستے میں ممبئی ناکہ کے ساتھ ساتھ دوارکا چوک پر ان کا استقبال کیا گیا۔