مہاراشٹر میں کورونا کے 1357 نئے معاملے

اورنگ آباد/ممبئی، 5 جون (یو این آئی) مہاراشٹر میں گزشتہ 24 گھنٹوں کے دوران کووڈ-19 کے 1357 نئے کیس رپورٹ ہوئے اور اس کی وجہ سے ایک مریض کی موت ہوگئی۔

محکمہ صحت کی طرف سے اتوار کو جاری بلیٹن کے مطابق ریاست میں اب تک 7891703 لوگ اس مہلک وائرس سے متاثر ہوئے ہیں۔ اس کے ساتھ ہی 147865 لوگ اپنی جانوں سے ہاتھ دھو بیٹھے ہیں۔
دریں اثنا، ریاست بھر میں گزشتہ 24 گھنٹوں کے دوران 595 مریض اس وائرس سے صحت یاب ہوئے ہیں۔ اس کے بعد ریاست میں اس وبا کو شکست دینے والوں کی تعداد بڑھ کر 7737950 ہو گئی ہے۔
اس وقت ریاست کے مختلف اسپتالوں میں 5888 مریض زیر علاج ہیں۔