حیدرآباد honour killing پر مقامی رکن اسمبلی اسد الدین اویسی کی خاموشی پر سوالات اٹھ رہے ہیں۔
حیدرآباد: حیدرآباد میں ایک لڑکے نے دوسرے مذہب کی لڑکی سے شادی کرلی۔ لڑکی نے شادی کے بعد اپنا نام بدل کر پلوی رکھ لیا۔ تاہم، یہ لڑکی کے گھر والوں تک پہنچا اور ناگاراجو کو پیٹ پیٹ کر ہلاک کر دیا گیا۔ اس واقعہ کے بعد کئی لوگ سوال اٹھا رہے ہیں لیکن اب تک حیدرآباد کے رکن اسمبلی اسد الدین اویسی کا کوئی بیان سامنے نہیں آیا ہے۔ اویسی کی خاموشی پر لوگ سوال اٹھا رہے ہیں۔ سوشل میڈیا پر لوگ سوال اٹھا رہے ہیں تو اپوزیشن نے بھی اویسی سے جواب مانگ لیا ہے۔
اسدالدین اویسی ہر ایک مآب لنچنگ کیس میں اپنے بیانات ٹوئئٹر، ویڈیو پیغام یا دیگر ذرائع سے جاری کرتے رہے ہیں۔ اویسی ملک بھر میں کئی مسائل پر آواز اٹھا رہے ہیں، لیکن اس معاملے پر ان کی خاموشی پر سوال اٹھ رہے ہیں۔
اے آئی ایم آئی ایم لیڈر نصراللہ غازی نے کہا کہ اویسی دلتوں، آدیواسیوں، مسلمانوں پر ہونے والے مظالم کے خلاف آواز اٹھاتے ہیں۔ تاہم جب حیدرآباد قتل عام پر اویسی کی خاموشی پر ان سے سوال کیا گیا تو وہ خاموش اختیار کرگئے ۔
اویسی اپنے ٹوئیٹر پر مسلسل متحرک رہتے ہیں۔ انہوں نے اس معاملے پر دو ری ٹوئیٹس کیے ہیں۔ دونوں ری ٹویٹس ایک ایجنسی کے ٹوئیٹس ہیں جس میں حیدرآباد پولیس کا بیان ہے۔ ایک ٹوئٹ میں واقعے کا ذکر ہے اور دوسرے ٹوئیٹ میں ملزمان پر لگائی گئی دفعات کا ذکر ہے۔ اس کے علاوہ اویسی نے اس واقعہ پر کوئی ٹوئیٹ یا کوئی بیان نہیں دیا۔
اویسی کی خاموشی پر بی جے پی کے ترجمان پریم شکلا نے کہا کہ اویسی کا کوئی ٹوئیٹ نہیں آیا۔ راہل گاندھی خاموش ہیں۔ پرینکا گاندھی کا کوئی بیان سامنے نہیں آیا۔ یہ ایک پیٹرن ہے۔ اگر کوئی ہندو لڑکا کسی مسلمان لڑکی سے شادی کرلیتا ہے تو وہ محبت نہیں رہ جاتی۔ سر راہ ایسے ہندو لڑکے کو بے دردی سے قتل کر دیا حاتا ہے۔
اس واقعہ کی مذمت کرتے ہوئے بھارتیہ جنتا پارٹی (بی جے پی) تلنگانہ یونٹ کے صدر اور لوک سبھا کے رکن بی۔ سنجے کمار نے کہا کہ ناگ راجو کو اس لیے نشانہ بنایا گیا کیونکہ اس نے ایک مسلم خاتون سے شادی کی تھی۔ انہوں نے اسے مذہبی قتل قرار دیا۔ انہوں نے مطالبہ کیا کہ مجرموں کی نشاندہی کی جائے اور ان کے پیچھے کارفرما قوتوں اور تنظیموں کو منظر عام پر لایا جائے۔ ایک بیان میں، انہوں نے سوال کیا کہ نام نہاد سیکولر جماعتیں اور سیکولر دانشور اس طرح کے بھیانک قتل پر رد عمل کیوں نہیں دکھا رہے ہیں۔
کوئی تبصرے نہیں:
ایک تبصرہ شائع کریں