ایل پی جی سلینڈر کی قیمت میں 50 روپے کا اضافہ

 نئی دہلی، 07 مئی (یو این آئی) ایل پی جی سلینڈر کی قیمت میں ہفتہ کے روز 50 روپے کا اضافہ کیا گیا۔ رسوئی گیس کی قیمت میں اضافے کے بعد قومی راجدھانی میں اس کی قیمت 999.50 روپے فی سلینڈر ہو گئی ہے۔

اپوزیشن پارٹیوں نے اسے آسمان چھوتی مہنگائی کے درمیان بے حال گھریلو خواتین کی رسوئی میں حکومت کی ڈکیتی قرار دے کر اس کی پرزور مخالفت کی ہے۔

رواں ماہ کے آغاز میں ہی تجارتی استعمال والے 19 کلو کے ایل پی جی سلینڈر کی قیمت میں 102.50 روپے کا اضافہ کیا گیا تھا جس کے بعد سلینڈر کی قیمت 2355.50 روپے ہوگئی تھی۔

اس کے ساتھ ہی 5 کلو کے ایل پی جی کمرشل سلینڈر کی قیمت بھی 655 روپے کر دی گئی ہے۔

اس دوران آج پیٹرول اور ڈیزل کی قیمتوں میں کوئی تبدیلی نہیں ہوئی ہے۔