65سال سے زائد عمر کے بزرگ عازمین کو حج کی اجازت دی جائے ورنہ کل جماعتی تنظیم سعودی حکومت کے خلاف اپنا شدید احتجاج درج کرائے گی.
مالیگاؤں (پریس ریلیز) سعودی حکومت کی جانب سے حج 2022 کے لئے 65 سال سے زائد عمر کے افراد کو فریضۂ حج کی ادائیگی کی اجازت نہ دیئے جانے کے فیصلے کی وجہ سے جہاں بزرگ عازمین میں مایوسی کی لہر دوڑ گئی ہے وہیں کل جماعتی تنظیم سعودی حکومت کے اس فیصلے سے برہم ہے. حج ایک مذہبی فریضہ ہے . پچھلے دو سالوں سے کورونا وباء کی وجہ دنیا بھر کے عازمین حج کی سعادت سے محروم تھے. امسال سعودی حکومت کی جانب سے حرم شریف کے دروازے کھول دیئے گئے اور کوویڈ 19 کی تمام پابندیوں سے نجات کے بعد سعودی حکومت نے حج 2022 کا اعلان کیا. سعودی حکومت کے اس اعلان کا عالم اسلام نے خیر مقدم کیا اور حج کی تیاریاں شروع کردی. جس وقت حج 2022 کا اعلان کیا گیا تھا کورونا کے تناظر میں اس بات کا امکان تھا کہ 65 سال سے زائد عمر کے افراد کو حج کی اجازت نہیں مل سکتی اور عازمین اپنے اپنے طور پر حج درخواست دہی کا آغاز کرتے وقت اس بات کو مدنظر رکھے ہوئے تھے لیکن بعد ازاں جج کمیٹی آف انڈیا اور مرکزی وزارت برائے اقلیتی امور کی جانب سے 70 سال سے زائد عمر کے عازمین کی درخواستیں بھی قبول کرنے اور انہیں ریزرو کیٹیگری کی سہولت فراہم کرنے کا اعلان کر دیا جس کی وجہ سے بڑی تعداد میں 70 سال سے زائد عمر کے عازمین نے بھی درخواستیں دی ہیں اتنا ہی نہیں عریضۂ فارم بھرتے وقت فی عازم 300 روپے فیس بھی ادا کی گئی جو ناقابل واپسی ہے. اب جب کہ سعودی حکومت کی جانب سے سال سے زائد عمر کے عازمین کو حج کی اجازت نہ ملنے پر حج کمیٹی نے آف انڈیا نے ایک اعلامیہ جاری کیا ہے اور تمام درخواست گزار جن کی عمر 30 اپریل 2022 کو 65 سال ہورہی ہے انہیں نااہل قرار دیا ہے اور کہا ہے کہ وہ امسال حج پر نہیں جاسکتے ، جس سے مسلم اکثریتی شہر مالیگاؤں کے مسلمانوں میں بے چینی و اضطراب پایا جارہا ہے. اس لئے شہر کی کل جماعتی تنظیم سعودی حکومت کے اس فیصلے کے خلاف اپنا احتجاج درج کرائے گی. ساتھ ہی سعودی حکومت, مرکزی حکومت اور ریاستی حکومت کو میمورنڈم دیا جائے گا, تاکہ وہ سعودی حکومت سے مطالبہ کریں کہ وہ اپنا فیصلہ واپس لیں اور 65.سالہ عازمین کو امسال حج کی اجازت دیں.
کل جماعتی تنظیم مالیگاؤں
کوئی تبصرے نہیں:
ایک تبصرہ شائع کریں