بی جے پی لیڈر جیتن گجریا کو ممبئی پولیس نے حراست میں لیا,
وزیراعلیٰ ادھو ٹھاکرے کی بیوی رشمی ٹھاکرے کو کہا, مراٹھی رابڑی دیوی،
ادھو ٹھاکرے کی اہلیہ رشمی ٹھاکرے کو مہاراشٹر میں وزیر اعلیٰ بنائے جانے کی قیاس آرائیوں کے درمیان، بی جے پی کے ایک مقامی لیڈر کو انہیں مراٹھی رابڑی دیوی کہنا مہنگا پڑگیا۔ بی جے پی سوشل میڈیا سیل کے جیتن گجریا نے یہ تبصرہ سوشل میڈیا پلیٹ فارم ٹوئیٹر پر کیا، جس کے بعد ممبئی پولیس کی کرائم برانچ کے سائبر سیل نے انہیں اپنی حراست میں لے کر پوچھ گچھ کر رہا ہے۔
درحقیقت، حال ہی میں گردن اور کمر کے درد سے متعلق سرجری کی وجہ سے وزیراعلیٰ ادھو ٹھاکرے طویل عرصے سے سرگرم نہیں تھے اور انہوں نے اسمبلی کے سرمائی اجلاس میں بھی حصہ نہیں لیا تھا۔ اس کے بعد سے سیاسی حلقوں میں قیاس آرائیاں کی جا رہی ہیں کہ رشمی ٹھاکرے کو وزیر اعلیٰ بنایا جا سکتا ہے۔ اسی تناظر میں 4 جنوری کو جیتن گجریا نے سوشل میڈیا پر رشمی ٹھاکرے کی ایک تصویر شیئر کی اور کیپشن میں لکھا ’’مراٹھی رابڑی دیوی‘‘۔
ممبئی پولیس کے مطابق جیتن گجریا کے اس ٹوئیٹ کی تفتیش جاری ہے۔ جیتن کے وکیل اور بی جے پی کے سیکریٹری وویکانند گپتا نے کہا ہے کہ سائبر پولیس نے انہیں (جیتن گجریا) کو بغیر کوئی وجہ بتائے یا شکایت کنندہ کون ہے پولیس اسٹیشن میں حاضر ہونے کا نوٹس جاری کیا تھا۔ میرے مؤکل نے خود کو پولیس کی ہدایت کے مطابق پیش کیا اور اب اس سے ایک گھنٹے سے زیادہ پوچھ گچھ کی جا رہی ہے۔
کوئی تبصرے نہیں:
ایک تبصرہ شائع کریں