وزیراعظم سیکیوریٹی لیپس معاملہ:
سپریم کورٹ نے سابق جج اندو ملہوترہ کو انکوائری کمیٹی کا چیئرمین مقرر کیا
نئی دہلی، 12 جنوری (یو این آئی) سپریم کورٹ نے وزیر اعظم نریندر مودی کے دورہ پنجاب کے دوران سیکورٹی میں مبینہ کوتاہی کی جانچ کے لیے بدھ کو سپریم کورٹ کی سابق جج اندو ملہوترا کی سربراہی میں ایک کمیٹی تشکیل دی چیف جسٹس این وی رمن ، جسٹس سوریہ کانت اور جسٹس ہیما کوہلی کی بنچ نے پیر کو این جی او 'لائرز وائس' کی درخواست پر سماعت کرتے ہوئے کہاتھا کہ وہ ہائی کورٹ کے سابق جج کی سربراہی میں اعلیٰ سطحی انکوائری کرنا چاہتی ہے۔
بنچ نے کہا کہ وزیر اعظم کی سیکورٹی میں کوتاہی سے متعلق حساس معاملے کو مرکزی یا ریاستی حکومتوں کی طرف سے یکطرفہ تحقیقات کے لیے نہیں چھوڑا جا سکتا۔ عدالتی شعبہ میں تربیت یافتہ شخص اس معاملہ کی تحقیقات کرے۔
عدالت عظمیٰ کی بنچ نے نیشنل انویسٹی گیشن ایجنسی (این آئی اے) کے ڈی جی یا اس کی نامزد اتھارٹی، قومی خطہ چنڈی گڑھ کے ڈی جی پی، پنجاب کے ڈی جی پی کے علاوہ پنجاب اور ہریانہ ہائی کورٹ کے رجسٹرار جنرل کو ممبرز کے طور پر مقرر کیا۔ اس کمیٹی کی سربراہی جسٹس ملہوترا کریں گی۔
چیف جسٹس نے کہا’’ہم جسٹس اندو ملہوتراکی قیادت میں ڈی جی این آئی اے، ڈی جی سیکورٹی پنجاب اور رجسٹرار جنرل پنجاب اور ہریانہ ہائی کورٹ کی ایک کمیٹی مقرر کرتے ہیں۔‘‘
کوئی تبصرے نہیں:
ایک تبصرہ شائع کریں