ممبئی: بیک ڈیٹ میں پنچ اور پنچنامہ بدلتی ہے این سی بی، یہ بی جے ہی کی ہے ملی بھگت : نواب ملک نے لگایا الزام
ممبئی : مہاراشٹر حکومت کے وزیر اور این سی پی لیڈر نواب ملک نے این سی بی پر سنگین الزامات لگائے ہیں۔ ممبئی میں ایک پریس کانفرنس کے دوران نواب ملک نے الزام لگایا کہ این سی بی کے اہلکار پنچ اور پنچنامہ کو بیک ڈیٹ میں بدل دیتے ہیں۔ اس کے ساتھ ہی بی جے پی کے کچھ لیڈروں کو نشانہ بناتے ہوئے انہوں نے کہا کہ مہاراشٹر کے کچھ بااثر بی جے پی لیڈر سمیر وانکھیڈے کو مرکز میں extension دلانا چاہتے ہیں۔ نواب ملک نے سوال کیا کہ سمیر وانکھیڈے کی extension 31 دسمبر کو ختم ہو گئی تھی، پھر انہیں ابھی تک فارغ کیوں نہیں کیا گیا؟
نواب ملک نے دعویٰ کیا کہ دہلی میں لابنگ ہو رہی ہے۔ 31 دسمبر کو سمیر وانکھیڈے کی extension کے بعد بھی انہیں چھٹی کیوں نہیں دی گئی؟ مہاراشٹر کے بڑے لیڈر وزارت داخلہ (MHA) میں لابنگ کر رہے ہیں اور ان کی extension کے لیے ہر ممکن کوشش کی جا رہی ہے۔ سال 2021 میں این سی بی کے کئی فراڈ سامنے آئے۔ این سی بی کے اہلکاروں نے کئی جھوٹے مقدمات بنائے، بوگس پنچ بنائے۔ لوگوں کے خلاف فراڈ کرکے مقدمات درج کرائے گئے۔ اب جب فراڈ پکڑا گیا ہے تو لوگوں کو ڈرا دھمکا کر پرانے کیس میں ٹیک ڈیٹ پر دستخط کرائے جا رہے ہیں۔
نواب ملک کا مزید کہنا تھا کہ 25 کروڑ کے سودے کی تحقیقات کے لیے کمیٹی بنائی گئی۔ اس معاملے کی تحقیقات جاری ہیں لیکن پھر بھی لوگوں پر جھوٹے مقدمات بنانے کا کام جاری ہے۔ کرن بابو (مبینہ این سی بی افسر) نے میڈی (مبینہ پنچ) کو بلایا اور پرانے کیس پر دستخط کرنے کو کہا گیا۔ فراڈ کا کام پچھلے ایک سال سے جاری ہے۔ یہ پنچ بدلنے کا معاملہ ہے۔ میں پوچھنا چاہتا ہوں کہ ڈی جی این سی بی بابو نامی افسر کے خلاف کیا کاروائی کریں گے۔ این سی بی کی جانب سے ریا چکرورتی اور اس کے بھائی کو ضمانت مسترد کرنے کے حوالے سے کی گئی اپیل ایک سال سے زیر التواء ہے۔
نواب ملک نے کہا، ' سمیر خان کیس کے مرکزی ملزم سجنانی ہیں۔ صرف سمیر خان کو نشانہ بنایا جا رہا ہے۔ یہ سب پبلسٹی کے لیے کیا جا رہا ہے۔ نواب ملک این سی بی سے ڈرنے والا نہیں ہے۔ پچھلے کچھ دنوں سے، سمیر وانکھیڈے خبریں پلانٹ کر رہا ہے۔ مہاراشٹر میں بی جے پی کے کچھ بااثر لیڈر چاہتے ہیں کہ سمیر وانکھیڈے کو مرکز میں extension مل جائے۔ این سی بی کی دھوکہ دہی کو عدالت میں بھی بے نقاب کیا جائے گا۔ عوام میں بھی اس کا پردہ فاش کریں گے۔ ڈریں گے نہیں۔ آنے والے دنوں میں، میں این سی بی کی جانب سے کئے گئے مزید فراڈ کو بے نقاب کروں گا۔ سولی ڈیل آن لائن پورٹل کے ذریعے سماج کے ایک خاص طبقے کی لڑکیوں کو نشانہ بنایا جا رہا ہے۔ میں اس معاملے کی بھی انکوائری کا مطالبہ کروں گا۔
کوئی تبصرے نہیں:
ایک تبصرہ شائع کریں