خطۂ مراٹھواڑہ میں کورونا کے 3778 نئے معاملے، چار مریضوں کی موت

اورنگ آباد 20 جنوری : مہاراشٹر کے مراٹھواڑہ علاقے میں گزشتہ 24 گھنٹوں میں کورونا انفیکشن کے 3778 نئے معاملے سامنے آئے ہیں اور چار مریضوں کی موت ہو گئی ہے۔

صحت کے حکام نے جمعرات کو یہ اطلاع دی۔
خطے کے آٹھ ضلعی ہیڈکوارٹرز سے جمع کردہ اعداد و شمار کے مطابق، اورنگ آباد سب سے زیادہ متاثر رہا، جہاں 1097 معاملے سامنے ہیں اور تین مریض اپنی جان سے ہاتھ دھو بیٹھے۔ اس کے بعد ناندیڑ میں 758 لوگوں میں انفیکشن کی تصدیق ہوئی اور ایک مریض کی موت ہوگئی۔ لاتور میں 782، عثمان آباد میں 334، جالنا میں 282، پربھنی میں 235، بیڈ میں 205 اور ہنگولی میں 85 معاملے درج کیے گئے۔