خطۂ مراٹھواڑہ میں کورونا کے 1762 نئے معاملے، تین مریضوں کی موت

اورنگ آباد، 18 جنوری : مہاراشٹر کے مراٹھواڑہ خطہ میں گزشتہ 24 گھنٹوں میں کورونا انفیکشن کے 1762 نئے معاملے سامنے آئے ہیں اور تین مریضوں کی موت ہو گئی ہے۔

صحت کے حکام نے منگل کو یہ اطلاع دی۔
خطے کے آٹھ ضلع ہیڈکوارٹروں سے جمع کردہ اعداد و شمار کے مطابق، اورنگ آباد سب سے زیادہ متاثر ہوا، جہاں 443 معاملے رپورٹ ہوئے ہیں۔ اس کے بعد ناندیڑ میں 420 لوگوں کے متاثر ہونے کی تصدیق ہوئی ہے۔ لاتور میں 410 کیس درج ہوئے اور ایک مریض کی موت ہوگئی۔ بیڑ میں، 129 کیس رپورٹ ہوئے اور دو افراد کی موت ہوگئی۔ جالنا میں 109، پربھنی میں 104، عثمان آباد میں 91 اور ہنگولی میں 56 معاملے درج کیے گئے۔