اترپردیش میں بی جے ہی کو لگے گا جھٹکا.
رام گوپال یادو کا دعویٰ - بی جے پی کے کئی ایم ایل اے رابطے میں ہیں، بتایا کب ایس پی میں ہوں گے شامل ۔
اتر پردیش میں جلد ہی اسمبلی انتخابات کا اعلان ہونے والا ہے، ایسے میں سیاست بھی تیز ہوگئی ہے۔ قنوج میں آج سماج وادی پارٹی کے ایم ایل سی پشپراج جین عرف پمی کے گھر پر آئی ٹی نے چھاپہ مارا، جس کے بعد سماج وادی پارٹی کی طرف سے سخت ردعمل سامنے آرہا ہے۔ پشپراج جین پرفیوم کا کاروبار کرتے ہیں اور ایس پی کے ایم ایل سی ہیں، ایسے میں اس چھاپے کے بعد سیاست بہت تیز ہوگئی ہے۔ وزیر داخلہ امیت شاہ نے ایک ریلی سے خطاب کرتے ہوئے کہا کہ چھاپوں سے اکھلیش کے پیٹ میں درد کیوں ہوتا ہے۔ دوسری طرف اکھلیش یادو نے پیوش جین کو بی جے پی کا حلیف بتایا ہے۔
سماج وادی پارٹی کے قومی جنرل سیکریٹری اور راجیہ سبھا ایم پی پروفیسر رام گوپال یادو نے کہا کہ ابھی تو چھاپے مارنےکی شروعات ہوئی ہیں۔ کچھ دن پہلے اکھلیش کے پی ایس نیتو کے یہاں بھی چھاپہ مارا گیا تھا لیکن کچھ نہیں ملا۔ اب پشپراج کے یہاں وہی کچھ ہو رہا ہے۔ کل کسی اور سماج وادی پارٹی کے لیڈر یا کارکن یہاں چھاپہ مارا جائے گا۔ اس کے لیے تیار رہنا ہوگا۔ بی جے پی جا رہی ہے تو اپنی بھڑاس نکال رہی ہے۔ جتنے زیادہ چھاپے مارے جائیں گے، ایس پی اتنا ہی مضبوط ہوگی۔
سماج وادی پارٹی کے قومی جنرل سیکریٹری رام گوپال یادو نے کہا کہ آج اتر پردیش کے لوگوں کے اندر اتنا غصہ ہے کہ سماج وادی پارٹی کو اقتدار میں آنے سے کوئی نہیں روک سکتا۔ آنے والے انتخابات میں ایس پی کو بے مثال اور تاریخی کامیابی ملے گی۔ لوگ اب بی جے پی کے دور اقتدار کو دیکھنے کے لیے انتخابات کا انتظار کر رہے ہیں۔
سماج وادی پارٹی کے ایم ایل سی شترودر پرکاش آج بی جے پی میں شامل ہوگئے۔ اس پر رام گوپال یادو نے کہا کہ بی جے پی کے کئی لیڈر ہمارے ساتھ رابطے میں ہیں لیکن بی جے پی کے کئی ایم ایل اے الیکشن ہارنے والے ہیں، اس لیے ہم انہیں پارٹی میں نہیں لیں گے۔ کچھ الیکشن جیتنے والے بی جے پی ایم ایل اے بھی ہمارے رابطے میں ہیں، ہم انہیں ایس پی میں لائیں گے۔ کچھ دنوں میں، ہم بی جے پی کے بہت سے لیڈروں کو ایس پی میں شامل کرنے والے ہیں .
کوئی تبصرے نہیں:
ایک تبصرہ شائع کریں