src='https://pagead2.googlesyndication.com/pagead/js/adsbygoogle.js?client=ca-pub-2927126055114474'/> روس کی مدد سے امیٹھی میں پانچ لاکھ رائفلیں بنانے کے منصوبے کو منظوری - مہاراشٹر نامہ

Breaking

Home Top Ad

Responsive Ads Here

Post Top Ad

Responsive Ads Here

ہفتہ، 4 دسمبر، 2021

روس کی مدد سے امیٹھی میں پانچ لاکھ رائفلیں بنانے کے منصوبے کو منظوری



تصویر : یو این آئی


روس کی مدد سے امیٹھی میں پانچ لاکھ رائفلیں بنانے کے منصوبے کو منظوری


 نئی دہلی، 04 دسمبر : دفاعی شعبے میں خود انحصاری کو فروغ دینے کی سمت میں ایک بڑا اور اہم قدم اٹھاتے ہوئے حکومت نے کوروا، امیٹھی، اترپردیش میں واقع روس کی مدد سے پانچ لاکھ اے کے-203 اسالٹ رائفلیں بنانے کے منصوبے کو منظوری دے دی ہے۔

حکومت کے اعلیٰ ذرائع نے ہفتہ کو یہ اطلاع دی۔
یہ اعلان روس کے صدر ولادیمیر پوتن اور وزیر اعظم نریندر مودی کے درمیان پیر کو یہاں ہونے والی چوٹی کانفرنس سے دو دن پہلے ہوا ہے۔
حکومت کے اس اقدام کو اتر پردیش میں اگلے سال کے اوائل میں ہونے والے اسمبلی انتخابات کے پیش نظر بھی اہم سمجھا جا رہا ہے کیونکہ اس پروجیکٹ کے شروع ہونے سے ریاست میں روزگار کے مواقع بڑھیں گے۔


فوج گزشتہ تین دہائیوں سے انساس رائفلز کا استعمال کر رہی ہے لیکن اب اسے جلد ہی 7.62 X 39 ملی میٹر کیلیبر کی اے کے-203 رائفل ملنے والی ہے۔
مرکزی کابینہ کی سلامتی امور کی کمیٹی نے بدھ کو ہی اس منصوبہ کو منظوری دے دی تھی۔ اس سے قبل گزشتہ ماہ وزیر دفاع راج ناتھ سنگھ کی صدارت میں ہوئی ڈیفنس ایکوزیشن کونسل کی میٹنگ میں ان رائفلوں کو خریدنے اور ملک میں تیار کرنے کی منظوری دی گئی تھی۔ اس کے لیے روس ٹیکنالوجی منتقل کرے گا۔

کوئی تبصرے نہیں:

ایک تبصرہ شائع کریں

Post Bottom Ad

Responsive Ads Here

Pages