پیٹرول اور ڈیزل کی قیمتوں میں صارفین کو 41 ویں روز بھی کوئی راحت نہیں
نئی دہلی، 15 دسمبر : بین الاقوامی سطح پر خام تیل کی قیمتوں میں نرمی کے باوجود پٹرول اور ڈیزل کی قیمتیں آج مسلسل 41 ویں دن بھی ملک میں ریکارڈ سطح پر مستحکم رہیں۔
ویٹ میں تخفیف کی وجہ سے 2 دسمبر کو قومی راجدھانی دہلی میں پٹرول کی قیمتوں میں تقریباً 8 روپے فی لیٹر کی کمی ہوئی تھی اور اس کے بعد سے دہلی میں پٹرول 95.41 روپے فی لیٹر اور ڈیزل 86.67 روپے فی لیٹر فروخت ہورہا ہے۔
آج سنگاپور میں لندن برینٹ کروڈ 1.32 فیصد گھٹ کر 72.75 ڈالر فی بیرل پر کاروبار کر رہا تھا اور یو ایس کروڈ 1.46 فیصد کمی کے ساتھ 69.70 ڈالر فی بیرل پر تھا۔
مرکزی حکومت کی طرف سے دیووالی کے موقع پر پٹرول اورڈیزل پر ایکسائز ڈیوٹی میں بالترتیب 5 اور 10 روپے فی لیٹر کی کمی سے ملک میں ا ن دونوں ایندھنوں کی قیمتوں میں کمی آئی تھی ۔ اس کے بعد اتر پردیش، کرناٹک سمیت ملک کی 22 ریاستوں اور مرکز کے زیر انتظام علاقوں نے ان دونوں مصنوعات پرویلیو ایڈیڈ ٹیکس ( ویٹ) کو کم کیا تھا۔
گھریلو بازار میں پٹرول اور ڈیزل کی قیمت میں 41 ویں دن بھی کوئی تبدیلی نہیں کی گئی ہے۔ قومی دارالحکومت دہلی میں ویٹ میں کمی کی وجہ سے انڈین آئل کارپوریشن لمیٹڈ ( آئی او سی ایل ) کے اسٹیشنز پر پٹرول 95.41 روپے فی لیٹر اور ڈیزل 86.67 روپے فی لیٹر فروخت ہورہا ہے۔
پیٹرول اور ڈیزل کی قیمتوں کا یومیہ جائزہ لیا جاتا ہے اور اسی بنیاد پر نئی قیمتیں ہر روز صبح 6 بجے سے لاگو ہوتی ہیں۔ آج ملک کے چار بڑے میٹرو میں پیٹرول اور ڈیزل کی قیمتیں کچھ یوں رہیں:
شہر کا نام—— پٹرول (روپے لیٹر)——(ڈیزل روپے لیٹر)
دہلی ————— 95.41 —————— 86.67
ممبئی-——————109.98—————— 94.14
چنئی ——————101.40 —————— 91.43
کولکتہ ————104.67——————-89.79
کوئی تبصرے نہیں:
ایک تبصرہ شائع کریں