دو افراد چند دنوں سے میرے گھر کی نگرانی کر رہے ہیں۔ نواب ملک نے تصویریں شیئر کیں ۔
وزیر اور این سی پی لیڈر نواب ملک نے جمعہ کو دعویٰ کیا کہ دو نامعلوم افراد پچھلے کچھ دنوں سے ان کی رہائش گاہ اور اسکول کی نگرانی کررہے تھے۔ انہوں نے مبینہ طور پر اپنے ٹوئٹر ہینڈل سے اپنی تصاویر شیئر کرکے نگرانی کرکے لوگوں سے ان دونوں کی تفصیلات بھی شیئر کرنے کو کہا ۔ ایک تصویر میں انہوں نے نمبر پلیٹ کے ساتھ گاڑی کی تصویر بھی شیئر کی ہے۔
نواب ملک ایک ماہ سے زیادہ عرصے سے نارکوٹکس کنٹرول بیورو (این سی بی) کے علاقائی ڈائریکٹر سمیر وانکھیذے اور بھارتیہ جنتا پارٹی (بی جے پی) کے سینئر لیڈران کے خلاف سنگین الزامات لگا رہے ہیں۔ پچھلے مہینے، ان کے دفتر کو دھمکی آمیز کال موصول ہوئی تھی جس کے بعد ریاستی حکومت نے ان کی سیکورٹی کو Y+ زمرہ میں اپ گریڈ کرنے کا اعلان کیا تھا۔
جمعہ کو نواب ملک نے اپنی ٹوئیٹ میں کہا کہ یہ وہ لوگ ہیں جو کچھ دنوں سے میرے گھر اور اسکول کی نگرانی کر رہے ہیں (ملک ایک پرائیویٹ سکول چلاتے ہیں) اگر کسی کو ان کی شناخت کے بارے میں علم ہو تو تفصیلات شیئر کریں۔ "
ملک کی جانب سے سوشل میڈیا پر شیئر کی گئی تصویر میں گاڑی کی نمبر پلیٹ پر رجسٹریشن نمبر MH47-AG466 لکھا ہوا ہے۔ ایک اور تصویر میں ایک شخص کو کیمرے کے ساتھ بیٹھا بھی دیکھا جا سکتا ہے۔
ہندوستان ٹائمز سے بات کرتے ہوئے انہوں نے کہا، "میں ان دونوں کے بارے میں پولیس میں شکایت درج کرواؤں گا جو میرے گھر کے باہر تصویریں کھینچتے ہوئے پائے گئے۔ کچھ کارکنوں نے ان کے پاس جانے کی کوشش کی تو انہوں نے بھاگنے کی کوشش کی۔ تاہم وہ ان کی تصاویر حاصل کرنے میں کامیاب ہو گئے، جو میرے پاس موجود ہیں۔ جسے میرے ٹوئیٹر ہینڈل پر شیئر کیا گیا ہے۔"
کوئی تبصرے نہیں:
ایک تبصرہ شائع کریں