صوبائی جمعیت اہل حدیث نے مالیگاؤں کی ایمان دارانہ صحافتی خدمات کا تہہ دل سے اعتراف کیا ‏

 

صوبائی جمعیت اہل حدیث نے مالیگاؤں کی ایمان دارانہ صحافتی خدمات کا تہہ دل سے اعتراف کیا  

پورے صوبہ میں جمیعت اہل حدیث  اپنی ضلعی وذیلی اکائیوں کے ساتھ دینی دعوتی وتعلیمی  اور سماجی وفلاحی سرگرمیوں میں اپنا ایک مقام 

مالیگاؤں :(نامہ نگار ) کل بعد نماز عشاء اہل حدیث منزل گولڈن نگر میں صوبائی جمعیت اہل حدیث مہاراشٹر کے امیر ڈاکٹر سعید احمد فیضی اور صوبائی جمعیت کے ناظم اعلیٰ حافظ عنایت اللہ محمدی اور مقامی جمعیت کے امیر مولانا شکیل احمد فیضی نے مشترکہ پریس نوٹ جاری کرتے ہوئے کہا کہ صوبائی جمعیت اہل حدیث مہاراشٹر تقریباً نصف صدی سے پورے صوبہ میں اپنی ضلعی وذیلی اکائیوں کے ساتھ دینی دعوتی وتعلیمی نیز اجلاس وکانفرنس اور سماجی وفلاحی سرگرمیوں میں اپنا ایک مقام رکھتی ہے۔صوبائی ومقامی جمعیت کے زیر اہتمام سال گذشتہ لاک ڈاؤن میں مالیگاؤں شہر اور صوبے کی کمزور جمعیات میں بڑے پیمانے پر راشن کٹ  اور نقد رقم کے ذریعے معاونت کی تھی۔اس کے علاوہ جامعہ محمدیہ منصورہ کا گراں قدر تعاون اور کاڑھے کو شہر اور بیرون شہر فراہم کیا گیا۔ اسی طرح صوبہ کےبیشتر مقامات کے ائمہ مساجد کی تنخواہ میں ہر ماہ پابندی سے جزوی تعاؤن دیا جاتا ہے۔ وقتاً فوقتاً دفتر میں مختلف امراض کے میڈیکل کیمپ کا انعقاد کیاجاتا ہے۔صبح وشام امدادی دواخانہ حسب معمول کامیابی سے جاری ہے۔ ملک کے بیشتر صوبوں میں مساجد ومدارس کے تعاون کے لئے سفراء اہل حدیث منزل مالیگاؤں پہونچتے ہیں۔ان کے قیام وطعام کا نظم نیز تصدیق نامہ بھی جاری کیا جاتا ہے۔صوبے کی مساجد ومدارس کے قیام اور مکاتب کے نصاب ونظام میں صوبائی جمعیت اپنی بساط بھر کوشش کرتی ہے۔صوبائی جمعیت کے امیروناظم کے علاوہ نائب امیر مولانا شکیل احمد فیضی مہاراشٹر کے مختلف علاقوں میں حسب ضرورت مختلف علماء ودعاۃ کے ساتھ دعوتی وتنظیمی دورہ کرتے ہیں۔صوبائی جمعیت کی ساری کارکردگی میں ذمے داران اور اراکین مجلس عاملہ کا کلیدی کردار ہوتا ہے۔ ملک میں مختلف حوادث اور ناگہانی صورت حال میں متاثرین کو فوری امداد کےلیے صوبائی جمعیت کا اپنا ریلیف فنڈ قائم ہے ۔حال ہی میں کوکن سیلاب متاثرین کیلئے صوبائی جمعیت نے اپنی ذیلی اکائیوں کے تعاون سےتقریبا  بارہ لاکھ روپے نقد اور 500 راشن کٹ کی امداد پہونچائی گئی۔ قوم وملت کے حقوق کی بازیابی کے لیے مختلف مسالک کی ملی تنظیموں کے ساتھ ہمہ وقت ساتھ رہتی ہے۔یوں تو صوبائی جمعیت کے اہداف ومقاصد میں ملک و ملت اور جماعت کے تئیں مختلف مثبت ومنفرد اہداف ومقاصد ہیں جو صوبے کی ذیلی اکائیوں کے تعاون سے ہی ممکن ہوسکتی ہے۔ اس سلسلے میں صوبائی جمعیت کے امیر وناظم نے اپیل کی کہ مہاراشٹر کے ضلعی وذیلی اکائیاں اسی طرح صوبائی جمعیت کے ساتھ رہ کر اس کے اہداف ومقاصد میں اپنا تعاون برقرار رکھے۔ اس موقع پر صوبائی جمیعت کے ناظم اعلی حافظ عنایت اللہ نے اپنی مخاطبیت میں کہا کہ  جمہوریت ایک ایسا طرز حکومت ہے جسے عوام کے لئے عوام سے ہی ترجیح دی جاتی ہے اور اسی جمہوریت کو چار ستونوں پر قائم کیا گیا ہے جس کا سب سے زیادہ متحرک و فعال اور مضبوط ترین ستون صحافت کو قرار دیا گیا ہے. اس طرح  یہی صحافت جب اپنے جوہروں کو نمایاں کرتے ہوئے عوام کی ترجمانی کا حق ادا کرتی ہے تو پھر یوں ہوتا ہے کہ چہار جانب سے جمہوریت کے اس چوتھے ستون صحافت کو اعزاز و اکرام اور داد و تحیسن سے نوازا جاتا ہے. مالیگاؤں شہر کی صحافت ایک طویل عرصہ سے نامساعد حالات اور انتہائی کسمپرسی کے باوجود اپنی خدمات کے ذریعے عوامی ترجمانی کے ایماندارانہ فرائض منصبی سے نبرد آزما رہتے ہوئے کامیاب و سرخرو رہی ہے. مالیگاؤں کی صحافت کے سرخیل مرحوم مولانا عبدالحمید نعمانی سے شروع ہونے والا یہ صحافتی سفر آج بام صحافت کے نصف النہار تک جا پہنچا ہے. بے شمار اخبارات کا پابندی کے ساتھ جاری رہنا یا پھر بیرون شہر کے اخبارات میں مالیگاؤں شہر کی تعلیمی, مذہبی, سماجی, فلاحی, معاشرتی اور سیاسی خبریں جب جب  مقامی نامہ نگاروں کے توسط سے جلی حرفوں میں شائع ہو کر عوام و خواص کو اپنی جانب متوجہ کرتی ہیں تو بی بی سی لندن سے نشر ہونے والی اردو خبریں بھی شرمسار ہو جایا کرتی ہیں. طویل ترین تمہید ان مانو  ں میں حق بجانب ہیں کہ مالیگاؤں شہر کی صحافت کا اعتراف ہر حال میں ضروری ہے.انھوں  نے الحدیث منزل میں شہر کے تمام صحافیوں کی موجودگی میں  ان کی بے لوث صحافتی خدمات کا اعتراف کیا.  ناظم اعلی حافظ عنایت اللہ نےدوران خطابت  مزید کہا کہ شہر کے صحافیوں نے انتہائی نامساعد حالات کے باوجود اپنی ایماندارانہ صحافت کے ذریعے ہمیں اپنا گرویدہ بنا رکھا ہے .