مہاراشٹر کے کوکن میں سیلابی کیفیت : بھاری بارش کی وجہ رائے گڑھ اور رتناگری کے کئی اضلاع زیر آب. حالات ناموافق.
مہاراشٹر کے مہابلیشور اور ستارا ضلع کے نواجہ میں گذشتہ دو دنوں سے جاری شدید بارش کے سبب ریاست کے قریبی ساحلی علاقوں کے کچھ حصوں میں خاص طور پر رتناگری اور رائے گڑھ اضلاع میں سیلابی کیفیت پیداہوگئی ہے۔ عہدیداروں نے یہ معلومات جمعہ کو دی۔
کوکن علاقے کے ان دو اضلاع میں کئی مقامات پانی میں ڈوبے ہوئے ہیں اور انتظامیہ پھنسے ہوئے لوگوں کو محفوظ مقامات پر منتقل کرنے کے لئے اقدامات کررہی ہے۔ پونے میں ہندوستان کے محکمہ موسمیات (آئی ایم ڈی) کے سینئر سائنس داں کے ایس ہوسلیکر نے بتایا کہ ستارا میں مشہور ہل اسٹیشن مہابلیشور میں 22 جولائی کی صبح ساڑھے آٹھ بجے سے 23 جولائی کو دیر رات ایک بجے تک قریب 17 گھنٹوں میں 483 ملی میٹر بارش ریکارڈ کی گئی ہے۔ . اس سے قبل 22 جولائی کو اختتام پذیر 24 گھنٹے کے عرصہ میں ، اسی موسمی مرکز میں 461 ملی میٹر بارش ریکارڈ کی گئی تھی۔ محکمہ موسمیات کے مطابق ، گذشتہ 24 گھنٹوں میں 204.4 ملی میٹر سے زیادہ بارش کو انتہائی بھاری بارش قرار دیا گیا ہے۔ تاہم ، مہابلیشور اور نواجہ میں ریاستی حکومت کے مختلف محکموں کے ذریعہ درج کردہ اعداد و شمار سے پتہ چلتا ہے کہ بارش اس سے کہیں زیادہ تھی ۔جغرافیائی طور پر ، مہابلیشور سہیادری پہاڑی سلسلے (مغربی گھاٹ) کے ایک اعلی مقامات میں سے ایک ہے جو مہاراشٹر کو ساحلی خطے اور سطح مرتفع کے درمیان تقسیم کرتا ہے ۔ ستارا ضلع میں مہاراشٹر کے بڑے ہائیڈرو الیکٹرک پاور پلانٹ کوئنا میں قائم ایک موسمیاتی اسٹیشن نواجہ میں بھی اسی طرح کی بھاری بارش ریکارڈ کی گئی۔ حکام نے بتایا کہ رتناگری ضلع میں چپلون نواجہ کے مغرب میں ہے جہاں اسی عرصے کے دوران 300 ملی میٹر سے زیادہ بارش ریکارڈ کی گئی ۔ کھیڑ, مہاڑ اور چپلون سمیت کئی علاقے زیر آب ہوگئے ہیں. جس کی وجہ سے آمدورفت کا سلسلہ منقطع ہوگیا ہے. ان علاقوں میں موجود گھر مکمل طور پر ڈوب چکے ہیں.
آئی ایم ڈی کے ایک سینئر عہدیدار نے بتایا کہ ، "مہابلیشور اور مہاڑ (ضلع رائے آباد میں) نواجہ اور چپلوں میں فضائی فاصلہ زیادہ نہیں ہیں ، لہذا ان اہم مقامات پر شدید بارش کی وجہ سے پانی ان قصبوں کی طرف بہہ کر آرہا ہے۔" رائے گڑھ ضلع کلکٹریٹ کے ایک عہدیدار نے بتایا کہ تحصیل مہاڑ میں 22 جولائی سے 23 جولائی کے درمیان پولاد پور میں 305 ملی میٹر بارش ہوئی۔ اگر جمعہ کو بھی بارش کا سلسلہ جاری رہا تو حکام کے لئے تلاشی اور بچاؤ کا کام بہت مشکل ہوگا۔ رتناگری کے ضلعی مجسٹریٹ بی این پاٹل نے کہا کہ چپلون میں پچھلے 40 سالوں میں یہ بدترین بارش ہوئی ہے۔
کوئی تبصرے نہیں:
ایک تبصرہ شائع کریں