پہلی بارش میں پول کھلنے
کے بعد وزیراعلیٰ نے جائزہ
اجلاس منعقد کی
پہلی بارش میں ممبئی نالے کی صفائی کی پول کھلنے کے بعد وزیراعلیٰ ادھو ٹھاکرے نے ممبئی میونسپل کارپوریشن کے کام کا جائزہ لیا۔ اس موقع پر ، کمشنر اقبال سنگھ چہل نے ایک پریزنٹیشن پیش کی اور بتایا کہ ان کے اٹھائے گئے اقدامات سے کوئی بڑی رکاوٹیں پیدا نہیں ہوئی ہیں۔ کمپیوٹر سے نالے کی صفائی کی نگرانی کرنے کا دعویٰ کرتے ہوئے انہوں نے کہا کہ بارش کے پانی کی نکاسی کے لئے خصوصی انتظامات کیے گئے ہیں۔ کوسٹل روڑ کے کنارے 15 مقامات پر 63 پمپ لگائے گئے تھے ، جس سے پانی کی نکاسی ہوئی ۔ کمشنر چہل نے میٹنگ میں کہا کہ پریہ درشنی پارک ، چوپاٹی ، ورلی سی فیس میں کل 77 آؤٹ فال ہیں ، جس میں 43 ساحل سمندر کے متوازی ہیں۔ تمام آؤٹ فال کو اچھی طرح سے صاف کردیا گیا ہے۔ امر سنز انٹرچینج ، حاجی علی انٹرچینج ، چوپاٹی میں مناسب گنجائش کے پمپ لگائے گئے ہیں۔ میٹنگ میں ، بی ایم سی کے ایڈیشنل کمشنر پی ویل راسو نے ہندماتا ، گاندھی مارکیٹ ، چونابھٹی- کرلا سائن ریلوے اسٹیشن کے احاطے میں پانی کی نکاسی کے لئے اٹھائے جانے والے اقدامات کے بارے میں آگاہ کیا۔
ہندماتا اور گاندھی مارکیٹ میں ہر سال ، پانی بھرنے کے مسئلے سے نمٹنے کے لئے ایک مستقل حل پر کام کیا جارہا ہے اور ان دونوں جگہوں پر زیرزمین پانی کا ذخیرہ کرنے کے بڑے بڑے ٹینک بنائے جارہے ہیں۔ اگر نچلے علاقوں میں بارش کا پانی بھر جائے تو اسے ان ٹینکوں میں چھوڑ دیا جائے گا۔ یہ پانی جوار کے ختم ہونے کے بعد سمندر میں چھوڑ دیا جائے گا۔ اس سے پانی جمع نہیں ہوگا۔ میٹنگ میں کمشنر چہل نے بتایا کہ 9 جون کو ممبئی میں 20 مقامات پر 200 ملی میٹر سے زیادہ بارش ہوئی جبکہ 11 مقامات میں 150 ملی میٹر سے 200 ملی میٹر ، 13 مقامات سے 100 ملی میٹر سے 150 ملی میٹر اور 3 جگہوں پر 100 ملی میٹر سے کم بارش ریکارڈ کی گئی ۔ ممبئی میں 386 مقامات پر پانی بھر جاتا ہیں ، ان میں سے 171 مقامات پر پانی نہ ہو ، اس کے لئے اقدامات کئے گئے ہیں۔ 24 وارڈوں میں 6 میٹر سے بھی کم چوڑے نالوں کی صد فیصد صفائی کی جا چکی ہے۔
اس موقع پر بی ایم سی کمشنر چہل نے بات کرتے ہوئے دعوی کیا کہ ممبئی کے اس بلند و بالا پروجیکٹ کوسٹل روڑ کے 10.58 کلومیٹر کے کام کا 36 فیصد کام مکمل ہوچکا ہے۔ اس وقت ٹرپل روٹ کی دو بڑی سرنگیں (ٹنل) تعمیر ہورہی ہیں۔ 15.66 کلومیٹر انٹرچینج روٹس بھی ہوں گے۔ اب تک سرنگ کی کھدائی نو فیصد ، بحالی (ریکیلشن) 90 فیصد اور سمندری دیوار کا 68 فیصد کام جاری ہے۔ اس کی کل لاگت 12،721 کروڑ ہے۔
کوئی تبصرے نہیں:
ایک تبصرہ شائع کریں