مہاراشٹر کو آزادانہ طور پر ویکسین خریدنے کی اجازت دیں: راج ٹھاکرے
ریاست میں کورونا کیسز کی بڑھتی تعداد اور کورونا ویکسین کی قلت کے پیش نظر ، مہاراشٹر نونرمان سینا کے سربراہ راج ٹھاکرے نے وزیر اعظم نریندر مودی کو براہ راست خط لکھ کر مطالبہ کیا ہے کہ ریاست کو آزادانہ طور پر کورونا ویکسین خریدنے کی اجازت دی جائے۔ اس کے علاوہ راج ٹھاکرے نے کچھ دیگر مطالبات بھی کیے ہیں۔ راج ٹھاکرے نے وزیر اعظم مودی کو دو خط لکھے ہیں۔ راج ٹھاکرے نے وزیر اعظم نریندر مودی پر بھی سوال اٹھایا ہے کہ گذشتہ سال کورونا کی پہلی لہر کے بعد سے ملک گیر لاک ڈاؤن کی وجہ سے مہاراشٹر اور عوام کو بہت نقصان ہوا ہے۔ اس کی وجہ سے ، معاشی ، معاشرتی سطح پر بھی ملک کو بہت نقصان اٹھانا پڑا ہے ، جس کے اثرات ہم آج بھی بھگت رہے ہیں۔
کورونا کی نئی لہر کو بھی روکنے کےلئے بار بار سخت قواعد و ضوابط اور جزوی طور پر لاک ڈاؤن جیسے کڑے اقدامات کرنے پڑ رہے ہیں ۔ جو مہاراشٹر کے لئے بالکل بھی کارآمد نہیں ہے ، جس ریاست کو ضروری مقدار میں کورونا ویکسین نہیں مل رہی ہے۔ کیا ان کے پاس لاک ڈاؤن کے سوا کوئی دوسرا آپشن ہے؟ مہاراشٹر کو آزادانہ طور پر کورونا ویکسین خریدنے کی اجازت دی جائے - ریاست میں نجی اداروں کو بھی کورونا ویکسین خریدنے کی اجازت ہونی چاہئے - سیرم انسٹی ٹیوٹ کو مہاراشٹر میں آزادانہ طور پر اپنی قابلیت کے بل پر کورونا ویکسین فروخت کرنے کی اجازت ہونی چاہئے - یہ ویکسین لوگوں کو بروقت مہیا کی جاسکے اس لئے دوسرے اداروں کو بھی اسے تیار کرنے کی اجازت ہونی چاہئے - کورونا مریضوں کے علاج کے لئے ضروری ریمڈیسور انجیکشن اور آکسیجن کی فراہمی ریاست کرسکے. اس کے لئے ضروری اجازت ملے ۔
کوئی تبصرے نہیں:
ایک تبصرہ شائع کریں