تھانہ میں کورونا انفیکشن کے 471 نئے کیس ، آٹھ افراد ہلاک

تھانہ  : مہاراشٹر کے تھانہ ضلع میں کورونا وائرس انفیکشن کے 471 نئے کیس منظر عام پر آئے ہیں ، جس سے متاثرہ افراد کی تعداد ضلع میں 2،59،668 ہوگئی ہے۔ یہ تمام نئے معاملات جمعہ کو سامنے آئے ۔ سنیچر کے روز ایک عہدیدار نے اس بارے میں معلومات دی۔ عہدیدار نے بتایا کہ ضلع میں آٹھ افراد انفیکشن کی وجہ سے فوت ہوگئے ، جس کے بعد اس وباء سے مرنے والوں کی تعداد بڑھ کر 6،227 ہوگئی ہے۔ انہوں نے بتایا کہ ضلع میں اموات کی شرح 2.40 فیصد ہے اور اب تک 2،49،566 مریض انفیکشن سے صحت یاب ہوچکے ہیں۔ انہوں نے بتایا کہ ضلع میں انفیکشن سے صحت یاب ہونے کی شرح میں اضافہ ہوا ہے اور یہ 96.11 فیصد تک جا پہنچا ہے۔ انہوں نے بتایا کہ 3،875 متاثرہ افراد ضلع میں زیر علاج ہیں۔ ایک اور عہدیدار نے بتایا کہ پڑوسی ضلع پالگھر میں کوویڈ 19 کے کیسوں کی تعداد بڑھ کر 45،646 ہوگئی ہے جبکہ ہلاکتوں کی تعداد 1،202 ہوگئی ہے۔