بی ایم سی اسکولوں ، 75 لاکھ ماسک تقسیم کیے جائیں گے .
پندرہ جنوری سے اسکول کھلیں گے
بی ایم سی نے اگلے 15 جنوری سے ممبئی شہر میں اسکول کھولنے کی تیاری کرلی ہے ، جب طلباء اسکول پہنچیں گے ، کارپوریشن انتظامیہ انہیں کپڑوں کا سلا ہوا ماسک دے گی۔ طلباء اس ماسک کو دھوسکیں گے ۔ بی ایم سی اسکول میں تعلیم حاصل کرنے والے لاکھوں طلباء اس سے فائدہ اٹھائیں گے اور وہ کورونا وباء کے خطرے سے دور رہیں گے۔ بی ایم سی نے اس کے لئے 75 لاکھ ماسک خریدنے کا فیصلہ کیا ہے۔
ممبئی میونسپل کارپوریشن کے زیر انتظام اسکولوں میں تقریبا 2، لاکھ 96 ہزار طلبا تعلیم حاصل کرتے ہیں۔ ایسے میں ، جب وہ اسکول آئے ، تو انھیں کورونا وباء کا خطرہ نہ ہو ۔ لہذا بی ایم سی نے یہ فیصلہ لیا ہے۔ اتنی بڑی تعداد میں ماسک خریدنے کے لئے بی ایم سی 20 کروڑ روپے خرچ کرے گی۔
ممبئی شہر میں فی الحال کورونا کیسز کم ہو رہے ہیں ۔ شہر میں کورونا کنٹرول میں ہے اور ان لاک میں ملی سہولتوں کے بعد آہستہ آہستہ زندگی پٹری پر لوٹ رہی ہے۔ لہذا ، بی ایم سی نے بچوں کی صحت کو مدنظر رکھتے ہوئے یہ احتیاطی قدم اٹھایا ہے ۔ بتادیں کہ بی ایم سی اسکولوں میں ، زیادہ تر غریب طلبہ تعلیم حاصل کرتے ہیں۔ کورونا وباء کی وجہ سے بہت سارے افراد اپنی ملازمت سے ہاتھ دھو بیٹھے ہیں۔ اسی کے ساتھ ہی ، بہت سارے لوگوں کی تنخواہ بھی کم کردی گئی ہے۔ ایسی صورتحال میں کارپوریشن انتظامیہ کا یہ اقدام قابل تحسین ہے۔
طلباء کو ماسک فراہم کرنے کے لئے ، بی ایم سی نے اگلے 2 سال کے لئے ماسک خریدنے کا فیصلہ کیا ہے۔ بی ایم سی انتظامیہ کی جانب سے اس سلسلے میں ایک ٹینڈر بھی جاری کیا گیا ہے۔ کورونا کی وباء کے خطرے کے پیش نظر ، انتظامیہ نے یہ فیصلہ لیا ہے تاکہ طلباء کو ماسک کی قلت کا سامنا نہ کرنا پڑے۔
کوئی تبصرے نہیں:
ایک تبصرہ شائع کریں