ممبئی پولیس نے تشار گاندھی کو حراست میں لے لیا، بھارت چھوڑو کی برسی پر باپو کے پڑپوتے خلاف کاروائی کیوں؟
ممبئی: بھارت چھوڑو تحریک کے دوران 9 اگست 1942 کو برطانوی پولیس کے ذریعہ مہاتما گاندھی کو نشانہ بنائے جانے کے ٹھیک 81 سال بعد بدھ کو ان کے پڑپوتے تشار گاندھی کو بھی ایسے ہی سلوک کا سامنا کرنا پڑا۔ علی الصبح، جب تشار نے بھارت چھوڑو تحریک کے شہیدوں کو خراج عقیدت پیش کرنے کے لیے جنوبی ممبئی کے تاریخی اگست کرانتی میدان جانے کی تیاری کی، سانتا کروز پولیس نے اسے ان کے گھر کے باہر ہی روک لیا۔
تشار گاندھی نے بتایا کہ میں جیسے ہی اگست کرانتی دیوس منانے کے لئے جا رہا تھا، سانتا کروز پولیس نے مجھے روکا اور 'امن و امان' کا حوالہ دیتے ہوئے مجھے حراست میں لے لیا... میں اس وقت سانتا کروز تھانے میں ہوں۔
تشار گاندھی کو زندگی میں پہلی بار اس طرح کی پولیس کاروائی کا سامنا کرنا پڑا ہے۔ پولیس منگل کی رات سے ان کے گھر کے باہر انتظار کر رہی تھی۔ تشار گاندھی نے کہا، 'میں بہت خوش ہوں کیونکہ اس تاریخی تاریخ پر مہاتما گاندھی اور کستوربا (باپو اور با) کو بھی نوآبادیاتی برطانوی پولیس نے حراست میں لیا تھا... مجھے فخر ہے۔'
مہاتما گاندھی کے پڑپوتے نے کہا کہ کچھ دیگر گاندھی وادیوں اور تنظیموں کے برعکس جو آج اگست کرانتی میدان کا دورہ کرنے کا ارادہ کر رہے ہیں اور بھارت چھوڑو دیوس منانے کا ارادہ رکھتے ہیں، انہیں کوئی پیشگی اطلاع نہیں دی گئی اور نہ ہی ان پر کوئی الزام عائد کیا گیا ہے۔
انہوں نے کہا، 'مجھے بس یہاں بیٹھایا گیا ہے… وہ میرے ساتھ بہت اچھا سلوک کر رہے ہیں…. ظاہر ہے، یہ پولیس کمشنر کے حکم کے تحت ہے…. جیسے ہی مجھے جانے کی اجازت دی جائے گی،
میں اگست کرانتی دیوس اور اس کے شہداء کو یاد کروں گا۔
آج صبح تجدید شدہ اگست کرانتی میدان میں وزیراعلیٰ ایکناتھ شندے، نائب وزرائے اعلیٰ دیویندر فڑنویس اور اجیت پوار اور دیگر کے ساتھ ایک نئی مہم 'میری مٹی، میرا دیش' کا آغاز کیا جارہا ہے جس کے ارد گرد سخت حفاظتی انتظامات اور ٹریفک پابندیاں ہیں۔
کوئی تبصرے نہیں:
ایک تبصرہ شائع کریں