آن لائن گیمنگ ایپ کے ذریعے 58 کروڑ کی دھوکہ دہی کا الزام، پولیس نے 10 کروڑ کی نقد رقم برآمد کی۔
ناگپور کے پولس کمشنر امیتیش کمار نے بتایا کہ ایک شخص نے آن لائن گیمنگ ایپ کے ذریعے 58 کروڑ روپے کی دھوکہ دہی کی پولیس کو شکایت کی تھی۔
ناگپور: مہاراشٹر کے ناگپور میں آن لائن گیمنگ کے ذریعے 58 کروڑ روپے کی دھوکہ دہی کا معاملہ سامنے آیا ہے۔ جب ناگپور سائبر پولس نے اس معاملے میں کارروائی کی تو ملزم کے گھر سے 10 کروڑ روپے کی نقدی اور زیورات برآمد ہوئے۔ اتنی نقدی دیکھ کر پولیس بھی حیران رہ گئی۔ کیش گننے کے لیے پولس نے موقع پر کیش گننے والی مشین منگوائی۔ معاملے کی سنگینی کو دیکھتے ہوئے پولیس نے سائبر اینڈ کرائم ڈیپارٹمنٹ کی ایک خصوصی ٹیم تشکیل دی ہے۔
ناگپور کے پولس کمشنر امیتیش کمار نے بتایا کہ ایک شخص نے آن لائن گیمنگ ایپ کے ذریعے 58 کروڑ روپے کی دھوکہ دہی کی پولیس کو شکایت کی تھی۔ شکایت کنندہ کے مطابق ملزم ٹھگ نے ایک ایپ کے ذریعے دھوکہ دیا۔ جب شکایت کنندہ کو اس بات کا علم ہوا تو اس نے اپنی رقم واپس مانگی۔ تاہم ملزمان نے دھمکیاں دینا شروع کر دیں۔
پولیس کے مطابق، شکایت ملنے پر، ابتدائی تحقیقات میں حقائق کو درست پائے جانے کے بعد، پولیس نے گونڈیا میں ٹھگ کے گھر پر چھاپہ مارا اور اس کے گھر سے 10 کروڑ روپے کی نقدی برآمد کی۔ جس کے بعد پولیس نے نوٹ گننے والی مشین منگوائی اور اس رقم کو شمار کیا۔
امیتیش کمار نے میڈیا کو بتایا کہ گونڈیا کے رہائشی ملزم اننت عرف سونتو نورتن جین نے اپنے ساتھیوں کے ساتھ مل کر شکایت کنندہ کو 24 گھنٹے آن لائن گیمنگ پر سٹے لگا کر کروڑوں روپے کمانے کا لالچ دیا تھا۔ انہوں نے بتایا کہ اس وقت ملزم بکی مفرور ہے۔
ناگپور سائبر پولیس نے اس معاملے میں دفعہ 420، 468، 386، 120 (b)، 66 (e) اور انفارمیشن ٹیکنالوجی ایکٹ کے تحت مقدمہ درج کیا ہے۔ اس معاملے کی تفصیلی تحقیقات کے لیے سائبر اینڈ کرائم ڈیپارٹمنٹ کی ایک خصوصی ٹیم تشکیل دی گئی ہے۔
پولیس نے بتایا کہ ملزم کے گھر سے تقریباً 10 کروڑ روپے نقد، سونے کے بسکٹ اور دیگر دستاویزات برآمد ہوئے ہیں۔
کوئی تبصرے نہیں:
ایک تبصرہ شائع کریں