بیوی اور بھتیجے کے قتل کے بعد امراوتی کے اے پی نے خود کو اتارا موت کے گھاٹ۔
پونے: پونے سے ایک چونکا دینے والا معاملہ سامنے آیا ہے، جس میں بھرت گائیکواڑ نامی اے سی پی نے اپنی بیوی اور بھتیجے کو گولی مار کر ہلاک کر دیا۔ اس کے بعد اس نے خود کو گولی مار لی۔ تفصیلات کے مطابق اے سی پی بھرت گائیکواڑ اس وقت امراوتی میں کام کر رہے تھے۔ اس حادثے سے پہلے وہ پونے میں اپنے گھر آیا ہوا تھا۔ اس نے رات گئے اچانک اپنی بیوی اور بھتیجے کو گولی مار دی۔
چتو شرنگی پولیس کا کہنا ہے کہ یہ وادات پیر کی صبح تقریباً 3.30 بجے بنیر علاقے میں 57 سالہ اے سی پی بھرت گائیکواڑ کے گھر پر پیش آی۔ پولیس نے بتایا کہ پیر کی صبح تقریباً 3.30 بجے اے سی پی نے مبینہ طور پر سب سے پہلے اپنی بیوی کے سر میں گولی ماری۔ اس کے بعد گولی کی آواز سن کر اس کا بیٹا اور بھتیجا بھاگے آئے اور دروازہ کھولا۔ جیسے ہی انہوں نے دروازہ کھولا، اے سی پی نے اپنے بھتیجے پر گولی چلائی، جو سینے میں لگی۔ اس کے بعد گائیکواڑ نے خود کو سر میں گولی مار لی۔ اس دوران تینوں افراد کی موقع پر ہی موت ہو گئی۔
پولیس کے مطابق، دیگر دو مرنے والوں کی شناخت اے سی پی بھرت گائیکواڑ کی بیوی مونی گائیکواڑ (44) اور بھتیجے دیپک (35) کے طور پر کی گئی ہے۔ تاہم قتل اور بعد ازاں خودکشی کی اصل وجہ تاحال معلوم نہیں ہو سکی ہے۔ فی الحال پولس معاملے کی جانچ کر رہی ہے۔
کوئی تبصرے نہیں:
ایک تبصرہ شائع کریں