8 سالہ بچی کو 55 سالہ پڑوسی نے بنایا جنسی زیادتی کا نشانہ، درندہ صفت شخص کی ہجوم نے پٹائی کی

 

 پیر کو لکھنؤ کے آشیانہ علاقے میں ٹی وی دکھانے کے بہانے ایک ادھیڑ عمر شخص پڑوس میں رہنے والی آٹھ سالہ بچی کو اپنے گھر لے گیا اور اس کی عصمت دری کی۔  بچی کافی دیر بعد بھی گھر واپس نہی  آئی تو اس کی والدہ اسے تلاش کرتے ہوئے ملزم کے گھر پہنچی تو اس نے دروازہ نہیں کھولا۔  تب خاتون چھت کے راستے ملزم کے گھر میں داخل ہوئی تو بیٹی کی حالت دیکھ کر اس کے ہوش اڑگئے۔  چیخ و پکار پر آس پاس کے لوگوں نے ملزم کی پٹائی  کرکے پولیس کے حوالے کر دیا۔

 آشیانہ کے علاقے بجلی پاسی قلعہ علاقے میں ایک خاتون اپنی تین بیٹیوں کے ساتھ رہتی ہے۔  شوہر کافی عرصے سے الگ رہ رہا ہے۔  وہ لوگوں کے گھروں میں کام کرتی ہے۔  پینٹنگ کاریگر اوماشنکر (55) پڑوس میں اکیلا رہتا ہے۔  اس کی آٹھ سالہ بیٹی اکثر ٹی وی دیکھنے اوماشنکر کے گھر جاتی تھی۔  پیر کی دوپہر دو بجے کے قریب اوماشنکر لڑکی کو ٹی وی دکھانے کے بہانے اپنے گھر لے گیا۔  جب وہ کافی دیر تک گھر نہیں لوٹی تو ماں ملزم اوماشنکر کے گھر پہنچی۔  دروازہ نہ کھلنے پر وہ چھت سے گھر میں داخل ہوئی اور شور مچایا۔  آس پاس کے لوگ جمع ہو گئے۔  لوگوں نے اوماشنکر کو خوب مارا پیٹا اور پولیس کے حوالے کر دیا۔  ڈی سی پی ایسٹ پراچی سنگھ کے مطابق لڑکی کی ماں کی شکایت پر مقدمہ درج کر کے ملزم کو گرفتار کر لیا گیا ہے۔  لڑکی کو طبی معائنے کے لیے بھیج دیا گیا ہے۔