اپنے چھوٹے بھائی کا قتل کرکے گھر کے صحن میں دفن کرنے والی چنچل کماری کو پولس نے گرفتار کرلیا.
رانچی: جھارکھنڈ میں رشتے کو شرمندہ کرنے کا معاملہ سامنے آیا ہے۔ بہن نے بھائی کے ساتھ ایسا کیا کہ سب حیران رہ گئے۔ دراصل ڈھائی ماہ سے لاپتہ نوجوان کی لاش اس کی بہن کے گھر کے صحن سے ملی ہے۔ بہن نے اپنے عاشق محمد اسرائیل عرف سونو کے ساتھ مل کر اس اندوہناک واردات کو انجام دیا اور لاش کو گھر کے صحن میں دفنا دیا۔ بہن کو بھی پولیس نے گرفتار کر لیا ہے۔ پولیس کو شبہ ہے کہ محبت کے سلسلے میں چھوٹے بَائی کی بہن نے اپنے عاشق کے ساتھ مل کر یہ واردات انجام دی ہے۔ بتایا جا رہا ہے کہ مقتول کو اپنی بہن کے پیار کے بارے میں معلومات تھیں۔ جس کی اس نے مخالفت کی تھی۔ یہ واقعہ رانچی کے پتراتو تھانہ علاقہ کا ہے۔ لاش کو نکالنے کا عمل جاری ہے۔
روہت مہتو (22) ساکن پٹراتو کے برتوا، رانچی 30 جون کو رانچی کے چوٹیا سے لاپتہ ہو گیا تھا۔ اس کے والد نریش مہتو نے چوٹیا پولیس اسٹیشن میں گمشدگی کی رپورٹ درج کرائی تھی۔ پولیس نے جب جانچ شروع کی تو روہت کا موبائل لوکیشن پتراتو میں پایا گیا۔ یہاں روہت کی بڑی بہن چنچل کماری محکمہ بجلی کے سرکاری کوارٹر نمبر ایف-235 میں رہتی تھی۔ پولیس چنچل کے گھر پہنچ گئی۔ جب مسلسل پوچھ تاچھ کی گئی تو وہ ٹوٹ گئی۔ جس کے بعد اس نے بتایا کہ بھائی کو قتل کرنے کے بعد لاش گھر کے صحن میں دفن کر دی ہے۔ جس کے بعد پولیس نے روہت کی لاش برآمد کرکے بہن کو گرفتار کرلیا۔ چنچل ڈھائی ماہ تک پولیس کا دھیان بھٹکاتی رہی۔ جہاں بھی کسی کی لاش ملتی تھی، چنچل خود موقع پر جا کر لاش کی فوٹو لیتی تھی اور پولیس کو بتاتی تھی کہ لاش اس کے بھائی کی نہیں ہے۔ کسی کو یہ بھی معلوم نہیں تھا کہ روہت کو مارنے والی بہن ہی تھی۔
گرفتاری کے بعد بھی چنچل کماری نے پولیس کو گمراہ کرنے کی کوشش کی۔ پوچھ تاچھ کے دوران چنچل نے پولیس کو بتایا ہے کہ روہت منشیات کا استعمال کرتا تھا۔ وقوعہ کے روز بھی بھائی نے نشہ کی زیادہ مقدار لے لی تھی۔ جس کی وجہ سے اس کی موت ہو گئی۔ اس نے گھبرا کر لاش گھر کے صحن میں دفن کر دی۔ تاہم پولیس ان کی باتوں پر یقین نہیں کر رہی ہے۔ یہاں رشتہ داروں نے یہ بھی بتایا کہ روہت نشے کا عادی تھا۔ وہ چٹیا میں رہنے والے اپنے کزن دلیپ کے پاس رہ کر اپنا علاج کروا رہا تھا۔ 30 جون کو چنچل کماری نے روہت کو فون کیا اور پتراتو کو بلایا۔ وہ خود روہت کو لینے چاندنی چوک گئی تھی۔ جس کے بعد روہت کا کچھ پتہ نہیں چل سکا۔
۔
بتایا جا رہا ہے کہ چنچل کماری کا قریبی گاؤں میں رہنے والے محمد اسرائیل عرف سونو کے ساتھ افئیر تھا۔ پولس کو شبہ ہے کہ چنچل نے عاشق کے ساتھ مل کر اس واردات کو انجام دیا ہے۔ روہت کی لاش کو گھر کے صحن میں دفن کرنا اکیلے چنچل کے بس کی بات نہیں ہے۔ عاشق کے ساتھ مل چنچل نے یہ کام کیا ہوگا۔ تاہم اب تک چنچل نے قتل میں عاشق کے ملوث ہونے سے انکار کیا ہے۔
کوئی تبصرے نہیں:
ایک تبصرہ شائع کریں