ضلع ایس پی سچن پاٹل سے مولانا عرفان دولت ندوی کا حالات حاضرہ پر تبصرہ

آل انڈیا امامس کونسل کے ریاستی صدر جناب مولانا عرفان دولت ندوی صاحب اور پاپولر فرنٹ آف انڈیا مالیگاؤں کے صدر جناب مولانا سیف الرحمن صاحب نے ضلع ایس پی سچن پاٹل سے ملاقات کی اور حالات حاضرہ پر تبصرہ کرتے ہوئے کہا کہ رمضان المبارک کا با برکت مہینہ چل رہا ہے اس مہینے میں شہر مالیگاؤں کی عوام بہت دل جمعی کے ساتھ احکامات شریعہ پر پابند ہوتی ہے تراویح روزہ نماز کا بہت اہتمام کیا جاتا ہے 

اسی مہینے میں شہر مالیگاؤں میں برادران وطن کے تہوار بھی ساتھ ساتھ منائیں جا رہے ہیں ابھی امبیڈکر جینتی بھی منائی جائے گی ان سب باتوں کو مد نظر  رکھتے ہوئے مولانا عرفان دولت ندوی صاحب نے ضلع ایس پی سچن پاٹل سے کہا کہ جس طرح برادران وطن کی ریلیاں مساجد کے پاس سے گذرتی ہے اور ڈی جے وغیرہ بجایا جاتا ہے اس سے مسلمانوں کو عبادات میں تکالیف ہوتی ہے اور کچھ فرقہ پرست عناصر مالیگاؤں شہر کے ماحول کو خراب کرنے کی کوشش کرتے ہوئے جان بوجھ کر ایسی حرکت کر رہے ہیں انھیں روکا جائے اگر مالیگاؤں شہر میں کسی وجہ سے بد امنی پھیلی تو اس کے ذمہ دار فرقہ پرست عناصر اور پولیس ڈپارٹمینٹ ہو گا ان سب باتوں کو سامنے رکھ کر پولیس انتظامیہ اپنی کاروائی کرے اور فرقہ پرست عناصروں کو ان کے ارادوں میں کامیاب نہ ہونے دیں 

 مولانا عرفان اور مولانا سیف الرحمن نے عوام الناس سے اپیل کرتے ہوئے کہا کہ عوام بھی اپنی ذمہ داریوں کو نبھائیں اور ماحول کو خراب ہونے سے بچائیں اور فرقہ پرستوں کو ان کے گھناؤنے ارادوں میں ہرگز کامیاب نہ ہونے دیں.